• Sat. Sep 21st, 2024
पत्नीसोबत दुचाकीवरुन निघाले, वाटेत कारची भीषण धडक, अपघातात पतीचा जागीच मृत्यू

सातारा: खटाव तालुक्यातील पुसेसावळी-कडेपूर रस्त्यावरील गोरेगाव वांगी येथील (माने वस्ती) येथे दुचाकी व कारच्या धडकेत एकजण जागीच ठार तर एक महिला गंभीर जखमी झाली. प्रकाश पांडुरंग वाघमोडे (वय ४५, रा. देवकरवाडी सातारा) असे मृताचे नाव आहे. तर प्रकाश यांची पत्नी छाया वाघमोडे (३८) या गंभीर जखमी झाल्या आहेत. याबाबत पोलिसांकडून मिळालेली माहिती अशी, की प्रकाश वाघमोडे हे पत्नीसह आपल्या दुचाकी क्रमांक (एमएच ११ बीएन १६३७) वरून कुपवाड – मिरज बाजूकडून कडेपूर मार्गे साताऱ्याकडे निघाले होते. गोरेगाव वांगी (मानेवस्ती) येथे आले असता समोरुन येणाऱ्या भरधाव कारने (एमएच- १० सीए ०८०४) वाघमोडे यांच्या दुचाकीस धडक दिली. यात वाघमोडे यांचा जागीच मृत्यू झाला, तर पत्नी गंभीर जखमी झाली.

चालकाचं नियंत्रण सुटताच बस पलटली, पहाटे भीषण अपघात, प्रवासी गाढ झोपेत; मोठा अनर्थ टळला…
तालुक्यातील पुसेसावळी – कडेपूर रस्त्यावरील गोरेगाव वांगी येथील (माने वस्ती) येथे हा अपघात झाला.याप्रकरणी दादासो विष्णू घागरे यांनी औंध पोलिस स्टेशनला उशीरा तक्रार दिली. सहाय्यक पोलिस निरीक्षक दत्तात्रय दराडे यांच्या मार्गदर्शनाखाली पोलिस उपनिरीक्षक गंगाप्रसाद केंद्रे अधिक तपास करीत आहेत.

चाकरमान्यांसाठी महत्वाची बातमी! मध्य रेल्वेच्या कर्जत-खोपोलीच्या दोन लोकल फेऱ्या रद्द, कारण…
वाई तालुक्यात करंजाचे झाड दुचाकीवर पडल्याने दुचाकीस्वार ठार

तर दुसऱ्या घटनेत वाई तालुक्यातील जोर रस्त्यावर एकसर गावच्या हद्दीत मंगळवारी दुपारी ४ च्या सुमारास अचानक करंजाचे झाड दुचाकीवर कोसळल्याने दुचाकीस्वार सोमनाथ प्रदीप रोकडे (रा. नानेगाव, ता. सातारा. सध्या फुलेनगर वाई) हा जागीच ठार झाला. या अपघातात एक महिला जखमी झाली असून त्यांच्यावर रुग्णालयात उपचार सुरू आहेत. यावेळी रस्त्याने जाणाऱ्या डॉ. प्रज्ञा स्वप्नील गायकवाड यांनी ग्रामीण रुग्णालयात हलवले. मात्र त्याचा उपचारापूर्वीच मृत्य झाला.

सुरेखा बढे यांना उपचारासाठी खाजगी रुग्णालयात दाखल केले आहे. दोघेही वाई औद्योगिक वसाहतीत एका खाजगी कंपनीत कामाला आहेत. सोमनाथ हा सुरेखा बडे यांना घरी सोडण्यासाठी चिखलीला जात होता. यावेळी ही दुर्घटना घडली. रस्त्यावर झाड आडवे पडल्याने काहीकाळ वाहतूक ठप्प झाली होती. काही वेळातच झाड काढून वाहतूक पूर्ववत सुरु करण्यात आली असून या घटनेची नोंद वाई पोलीस ठाण्यात करण्यात आली आहे.

Leave a Reply

Your email address will not be published. Required fields are marked *

You missed