नागपूर: लहानग्यांपासून मोठ्यांपर्यंत सर्वांनाच ऑनलाइन गेम्सचं वेड लागलं आहे. आजची तरुणाई नेहमीच मोबाईलच्या स्क्रीनमध्ये अडकलेली असते. या ऑनलाइन गेम्समधून लाखो रुपयांची फसवणूक झाल्याची अनेक उदाहरणे आहेत. तसेच, आता सायबर गुन्हेगारांनी ऑनलाइन गेमरभोवती सापळे रचण्याचे काम केले आहे. अशाच एका प्रकरणात नागपुरातील एका ९ वर्षांच्या चिमुरड्याला लक्ष्य केले. त्याचे आणि त्याच्या लहान बहिणीचे अपहरण करण्याची धमकी देऊन आईच्या मोबाईलवरून पैसे पाठवण्यास भाग पाडले. अल्फिया नदीम शेख या युट्यूबरचा मुलगा तिच्या मोबाईलवरून फ्री फायर हा ऑनलाईन गेम खेळत असतो. मार्च महिन्यात गेममध्ये एस. के. भाईजान, प्रमोद कालू, दीपक बोरा हे देखील गेममध्ये सामील झाले. त्यांनी त्या मुलाशी बोलून त्याच्या घराबद्दल विचारले. त्याने आईच्या फोनवरुन पीन पाठवायला लावला. मुलाने तसेच केले. तुला आणि तुझा बहिणीला उचलून नेऊ, अशी धमकी देत त्याला मोबाईलवरून पैसे कसे पाठवायचे ते सांगितले. घाबरलेल्या मुलाने पैसे पाठवण्याचे काम आईच्या मोबाईलवरून केले.

एका रात्रीत वेटर झाला कोट्यधीश, तरी अजूनही करतो रेस्टॉरंटमध्ये काम, कारण वाचून कौतुक वाटेल
२० मार्च ते ६ एप्रिल या कालावधीत त्याने आठ वेळा पैसे पाठवले. एकंदरीत मुलाने त्यांना १ लाख २ हजार रुपये पाठवले. आपल्या अकाऊंट मधून पैसे गायब झाल्याचं लक्षात आल्यावर अल्फिया घाबरली. तेवढ्यात अचानक मुलाची तब्येत खराब झाली. तिने मुलाला विश्वासात घेऊन मुलाची विचारपूस केल्यानंतर त्याने ही सर्व माहिती आईला सांगितली. त्यानंतर मुलाची आई अल्फियाने सायबर पोलिसात तक्रार दाखल केली.

मोबाईल गेम व्यसनाचा प्रभाव

मोबाईल गेमच्या व्यसनामुळे मुले हिंसक होत आहेत. याचा त्यांच्या करिअरवर परिणाम होतो. यासोबतच मुले कर्जातही बुडत आहेत. मोबाईल गेमच्या व्यसनातून मुक्त होण्यासाठी कुटुंबातील सदस्यांनी एकमेकांसोबत वेळ घालवावा. मुलांसोबत काहीतरी नवीन आणि सृर्जनशील करायला शिकवा. मुलांना पुस्तकं वाचण्याची आवड लावा. तुमच्या मुलांसोबत मॉर्निंग वॉकसाठी जा आणि त्यांना मोबाईल फोनपासून दूर ठेवा. असा सल्ला तज्ज्ञांनी दिला आहे.

पेण ते पनवेल ४५ मिनिटांचा थरार, वनविभागाने समुद्राच्या पोटातील ३० टन वजनी खजिना पकडला, किंमत…