अहमदनगर : विश्वस्त मंडळात आणि गावातील तरुणांचा पुढाकार आणि ग्रामस्थांची साथ यामुळे वेगळी भुताची जत्रा सारखी वेगळी पार्श्वभूमी असलेल्या या आगडगाव यात्रेतील पशुहत्या बंद झाली आहे. आता येत्या रविवारी १६ एप्रिलला या वर्षीची यात्रा उत्साहात करण्याचे नियोजन सुरू आहे.नगर शहरापासून अवघ्या १७ किलोमीटर अंतरावर असलेल्या या तीर्थस्थळाला हजारो भाविक, पर्यटक भेट देतात. काळ भैरवनाथ हे जागृत देवस्थान सर्व धर्मियांचे श्रद्धास्थान आहे. प्रत्येक रविवारी सुरू असलेला बाजरीची भाकरी व आमटी हा महाप्रसाद सातामुद्रापार पोहोचला आहे. भैरवनाथ देवस्थानावळ चैत्रामध्ये यात्रा असते. हनुमान जयंतीच्या नंतर येणाऱ्या रविवारी यात्रा भरण्याची प्रथा आहे. पूर्वी यात्रेत बोकडांचा बळी दिला जात असे. तर दुसऱ्या दिवशीच्या रात्री या ठिकाणी भुताची जत्रा भरते, असे मानले जात होते. मात्र, अलीकडच्या काळात नव्या पिढीला यातील पशुहत्या रुचली नाही. त्यामुळे व्यापक प्रबोधन मोहीम राबविण्यात आली. दहा वर्षांपासून यात्रेतील पशुहत्या बंद करण्यात आली. देवाला नैवद्यही शाकाहारी पदार्थांचाच दाखविला जातो. गेल्या दहा वर्षांपासून या नव्या पद्धतीचे गावकऱ्यांकडून पालन केले जात आहे.
यावर्षी नेहमीप्रमाणे यात्रोत्सवादरम्यान सकाळी सहा वाजता पायी कावडीची मिरवणूक निघेल. आठ वाजता गंगाजलाने नाथांना अभिषेक होईल. या वेळी जिल्हा बॅंकेचे अध्यक्ष शिवाजी कर्डिले तसेच मान्यवर उपस्थित राहणार आहेत. दुपारी मान्यवरांच्या हस्ते महाआरती होईल. सालाबादप्रामाणे सायंकाळी काठ्यांची मिरवणूक सांस्कृतिक कार्यक्रमांचे आयोजन करण्यात आले आहे. दुसऱ्या दिवशी (सोमवारी) नामांकित पैलवानांच्या कुस्त्यांचा हंगामा भरणार आहे.
यावर्षी नेहमीप्रमाणे यात्रोत्सवादरम्यान सकाळी सहा वाजता पायी कावडीची मिरवणूक निघेल. आठ वाजता गंगाजलाने नाथांना अभिषेक होईल. या वेळी जिल्हा बॅंकेचे अध्यक्ष शिवाजी कर्डिले तसेच मान्यवर उपस्थित राहणार आहेत. दुपारी मान्यवरांच्या हस्ते महाआरती होईल. सालाबादप्रामाणे सायंकाळी काठ्यांची मिरवणूक सांस्कृतिक कार्यक्रमांचे आयोजन करण्यात आले आहे. दुसऱ्या दिवशी (सोमवारी) नामांकित पैलवानांच्या कुस्त्यांचा हंगामा भरणार आहे.
देवस्थान ट्रस्टच्यावतीने यात्रोत्सवाचे नियोजन करण्यात आले आहे. एसटी महामंडळाच्या वतीने माळीवाडा बसस्थानकापासून स्पेशल बसची व्यवस्था होईल. आलेल्या सर्व भाविकांना महाप्रसाद देण्यात येईल. त्या दिवशी एकादशी असल्याने फराळाचीही व्यवस्था करण्यात आली आहे. दुपारची आरती झाल्यानंतर महाप्रसाद वाटप होईल. यात्रोत्सवादरम्यान भाविकांनी दर्शनाचा लाभ घ्यावा, असे आवाहन करण्यात आले आहे.
पोलिसांनी आणलेला ध्वज रथावर लावला, बजरंगबलीचा रथ शेकडो महिलांनी ओढला
देवस्थानमुळे ग्रामविकास
गेल्या सुमारे २० वर्षांपासून देवस्थानजवळ विकासकामे सुरू झाली. तेव्हापासून आगडगाव हे राज्याच्या नकाशावर झळकले. सध्या सुमारे दोनशे कुटुंबांना देवस्थानच्या माध्यमातून रोजगार उपलब्ध होऊ शकला. प्रत्येक रविवारी प्रसाद, नारळ, हार-पानफुले, खेळण्या, पेढे आदींची दुकाने थाटतात. परिसरातील शेतकरी भाजीपाला, कडधान्य घेऊन तेथे विकतात. जेवण वाढण्यासाठी युवक, भाकरी तयार करण्यासाठी महिलांना रोजगार उपलब्ध होतो. प्रत्येक रविवारी सुमारे आठ ते दहा हजार भाविक येत असल्याने रीक्षा, टेम्पो आदी वाहनांची वर्दळ होते. त्याद्वारे युवकांना रोजगार उपलब्ध झाला आहे. एकूणच देवस्थानमुळे गावचा चेहरा बदलला आहे. परिसरात असलेल्या भव्य मंगलकार्यालयात पंचक्रोशितील गावांमधील विवाह अत्यल्प खर्चात होतात. भव्य अन्नछत्रालय, भक्तनिवास, देवस्थानची बस, रुग्णवाहिका आदींमुळे ग्रामस्थांनाही त्याचा विविध उपक्रमांसाठी, अत्यावश्यक सेवेसाठी फायदा होतो.