तक्रारदाराने खरेदी केलेल्या जमिनीच्या दस्ताच्या नोंदीवर हरकत आल्याने त्याची सुनावणीवर आदेश काढून तशी नोंद करण्यासाठी आणि सातबारा उतारा देण्याकरता १५ हजार रुपये लाचेची मागणी संबंधित आरोपींकडून करण्यात आली होती. याची माहिती लाचलुचपत प्रतिबंधक विभागाच्या अधिकाऱ्यांना मिळाली. यानंतर अधिकाऱ्यांनी संबंधितांवर कारवाई केली.

आमचं ठरलंय कंडका पाडायचा… सभासदांनी ठरवलंय, सहकार टिकवायचंय; महाडिक-पाटील पुन्हा आमने सामने

१५ हजार रुपये लाचेची मागणी केल्यानंतर अखेर तडजोडीअंती मंगेश उत्तम गायकवाड (रा. सुपने, ता. कराड) यांच्याकडून १० हजार रुपये लाच स्वीकारण्यात आली. या प्रकरणी पुणे पोलीस अधीक्षक अमोल तांबे, अप्पर पोलीस अधीक्षक सुरज गुरव, सातारा पोलीस उपअधीक्षक उज्वल वैद्य यांच्या मार्गदर्शनाखाली पोलीस निरीक्षक विक्रम पवार, पोलीस नाईक राजपुरे व जाधव यांनी कारवाई केली आहे. संबंधित संशयित आरोपी मंडलाधिकारी याचा शोध घेतला जात आहे.
काही पदाधिकारी पनवेलला जातात असं कानावर आलं आहे; अजित पवारांनी इशारा देत टोचले कान
दरम्यान, या कारवाईमुळं सातारा जिल्ह्यातील महसूल विभागात खळबळ उडाली आहे. गेल्या काही दिवसांपासून एसीबीच्या कारवायांमध्ये वाढ झाल्याचं चित्र आहे. एसीबीच्या कारवाईची साताऱ्यात जोरदार चर्चा सुरु होती.

बेपत्ता झालेले केदार जाधवचे वडील अखेर सापडले, पोलिसांची आठ तासांची मेहनत अखेर फळली