मुंबई, दि. २८ : माहिती व जनसंपर्क महासंचालनालय निर्मित ‘दिलखुलास’ या कार्यक्रमात कोल्हापूर जिल्हा परिषदेचे प्रशासक तथा मुख्य कार्यकारी अधिकारी संजयसिंह चव्हाण यांची विशेष मुलाखत प्रसारित होणार आहे. ही मुलाखत राज्यातील आकाशवाणीच्या सर्व केंद्रांवरुन व ‘न्यूज ऑन एआयआर’ या ॲपवर गुरुवार दि. २९ व शुक्रवार दि. ३० डिसेंबर २०२२ रोजी सकाळी ७.२५ ते ७.४० या वेळेत प्रसारित होईल.
महाआवास अभियानात राज्यात पहिला क्रमांक मिळाल्याबद्दल नुकतेच कोल्हापूर जिल्हा परिषदेला गौरविण्यात आले आहे. यानिमित्त तसेच कोल्हापूर जिल्ह्याच्या ग्रामीण भागात जिल्हा परिषदेच्या माध्यमातून राबवण्यात येत असलेल्या विविध शासकीय योजना, नाविन्यपूर्ण उपक्रम, शिक्षण, आरोग्य, कृषी, पाणीपुरवठा, समाजकल्याण अशा विविध विभागांच्या माध्यमातून साधल्या जात असलेल्या जिल्ह्याच्या विकासाबाबत मुख्य कार्यकारी अधिकारी श्री. चव्हाण यांनी ‘दिलखुलास’ कार्यक्रमातून विस्तृत माहिती दिली आहे. कोल्हापूरच्या माहिती अधिकारी वृषाली पाटील यांनी ही मुलाखत घेतली आहे.