मुंबई उच्च न्यायालयाच्या चौकशीच्या आदेशानंतर, कुर्ला पोलिसांनी या याप्रकरणी संयुक्त अरब अमिरातीच्या दोन नागरिकांसह सहा जणांविरुद्ध गुन्हा दाखल केला आहे.

Sanjay Ghadi : दहिसरहून येताना ट्राफिक जॅम, मुंबईत बंगला द्या; उपमहापौरांच्या मागणीवर रितू तावडेंची पहिली प्रतिक्रिया
खंडाळा येथील रहिवासी वाहिदा हुसेन शत्ताफ यांनी दिलेल्या तक्रारीवरून हा गुन्हा दाखल करण्यात आला आहे. त्यानुसार, त्यांचे पती हुसेन मोहम्मद शत्ताफ आणि त्यांची ७८ वर्षीय आई फरिदा यांच्यात वडिलोपार्जित मालमत्तेवरून वारसा हक्काचा वाद सध्या दुबईतील न्यायालयात सुरू आहे. या खटल्याच्या सुनावणीत हुसेन शत्ताफ यांची विश्वासार्हता कमी करण्याच्या आणि मालमत्तेवरील त्यांचा दावा कमकुवत करण्यासाठी प्रतिपक्षाने मुंबई न्यायालयातील बनावट कागदपत्रे तयार करून ती दुबई न्यायालयात सादर केल्याचा आरोप वाहिदा यांनी केला आहे.

बनावट कागदपत्रे दुबईच्या न्यायालयात सादर करण्यात आल्याची कुणकुण लागताच शत्ताफ कुटुंबीयांनी मुंबई उच्च न्यायालयात धाव घेतली. न्यायालयाने नमूद आदेशाच्या सविस्तर पडताळणीचे निर्देश जारी केल्यानंतर याबाबत चौकशी करण्यात आले. चौकशीदरम्यान, मुख्य न्यायदंडाधिकाऱ्यांनी न्यायालयाच्या नोंदी तपासल्या आणि सुमारे डझनभर साक्षीदारांचे जबाब नोंदवले. बनावट आदेशाद्वारे दर्शवलेली फौजदारी कारवाई कधीच झाली नव्हती. तसेच, बनावट न्यायालयीन आदेश तयार करताना न्यायालयाच्या डिजिटल स्वाक्षरीचा गैरवापरर करण्यात आल्याचेही आढळून आले. हे बनावट न्यायालयीन आदेश खरे वाटावेत, यासाठी त्यांना बनावट नोटरी शिक्के आणि सह्यांचा वापर करून वापर करण्यात आला आहे.

Supriya Sule : माझ्या भावाची शेवटची इच्छा पूर्ण करण्यासाठी प्रयत्न केले, सुप्रिया सुळेंचं विलीनीकरणावर भावनिक वक्तव्य
यांच्यावर गुन्हा दाखल
हुमैद मोहम्मद शताफ (यूएई), हलिमा सुलतान अल ओवेस (यूएई), मधुकर रविराज विल्सन (पॉवर ऑफ ॲटर्नी धारक), केन रिचर्ड विल्सन, रझी अहमद, शिवाजी एन. धनगे (नोटरी) यांच्या विरोधात फसवणूक, बनावटीकरण तसेच इतर कलमांतर्गत गुन्हा दाखल करण्यात आला आहे.

Sonam Wangchuk : सुप्रिया सुळे दिल्लीत सोनम वांगचुक यांच्या भेटीला, केंद्र सरकारच्या सर्वपक्षीय बैठकीत मुद्दा मांडणार
गुन्हेगार असल्याची बतावणी
एका प्रकरणात हुसेन मोहम्मद शत्ताफ यांची दुचाकी जप्त करण्यात आली होती. ही दुचाकी परत मिळविण्यासाठी त्यांनी कुर्ला न्यायदंडाधिकाऱ्यांकडे अर्ज केला होता. हे प्रकरण जप्त करण्यात आलेल्या दुचाकीपर्यंत मर्यादित असताना न्यायालयाच्या नोंदींमध्ये फेरफार करण्यात आले. बनावट आदेशात शत्ताफ यांना २५ लाख रुपयांची फसवणूक, पासपोर्ट फसवणूक आणि हवाला व्यवहारांशी संबंधित प्रकरणात दोषी ठरवण्यात आले असून, अजामीनपात्र वॉरंट जारी करण्यात आले आहे, असे भासविण्यात आले होते.