शिवसेनेचे नगरसेवक रमेश म्हात्रे यांनी आपल्या साथीदारांसह डोंबिवलीतील रुग्णालयात धुडगूस घातल्याचा संतापजनक प्रकार समोर आला. आपल्या प्रभागातील एका गरोदर महिलेवर उपचार न करता दुसऱ्या रुग्णालयात उपचारांसाठी दाखल करण्यास सांगितल्यानं रमेश म्हात्रे यांनी कर्तव्यावर असलेल्या डॉक्टरांना धक्काबुक्की आणि दमदाटी केली. या संतप्त घटनेनंतर शरद पवारांच्या राष्ट्रवादीचे आमदार रोहित पवार यांनी सदर रुग्णालयात जाऊन डॉक्टरांची भेट घेतली. सर्व प्रकरण जाणून घेतल्यानंतर रोहित पवार यांनी महायुती सरकारवर हल्लाबोल करत रमेश म्हात्रे यांच्यावर कारवाईची मागणी केली आहे.
