बाळ माने यांनी विधान परिषद निवडणुकीतून घेतलेली माघार उद्धव ठाकरे यांच्या शिवसेनेसाठी मोठा धक्का ठरली. मानेंनी ऐनवेळी माघार घेतल्यानंतर ठाकरे गटाकडून त्यांची हकालपट्टी करण्यात आली. दुसरीकडे मानेंनी माजी खासदार विनायक राऊत यांच्यावर गंभीर आरोप केले. कोकणात शिवसेना संपवण्याचा प्रयत्न विनायक राऊत करत असल्याचा आरोप मानेंनी केला. यावर आता राऊतांनी देखील प्रत्युत्तर दिले. चोराच्या उलट्या बोंबा असे म्हणत विनायक राऊतांनी बाळ मानेंवर पलटवार केला.