नाशिकच्या चुंचाळे शिवार परिसरातील लताबाई आबाजी लभडे (वय ६४) या पायदुखीच्या त्रासावर उपचार घेण्यासाठी बुधवारी (दि. २०) दुपारी नेहमीप्रमाणे जिल्हा रुग्णालयात आल्या होत्या. औषधे घेऊन त्या मुख्य प्रवेशद्वाराबाहेर पडत असतानाच, तिथे दोन संशयित महिलांनी त्यांना गाठले. ‘आम्ही बाहेरगावचे असून नाशिकमध्ये नवीन आहोत. आम्हाला येथील सोनाराचे दुकान माहीत नाही’, असा बहाणा त्यांनी केला. लताबाई यांनी त्यांना रिक्षा करून सराफ बाजारात जाण्याचा सल्ला दिला. मात्र, संशयित महिलांनी भावनिक साद घालत लताबाईंचा विश्वास संपादन केला आणि त्यांना सोबत येण्यास भाग पाडले. त्यानंतर तिघीही रिक्षाने सराफ बाजारातील ‘अभोणकर ज्वेलर्स’ येथे गेल्या.

Nashik Crime : मॉडर्न मुलगी अचानक पंजाबी ड्रेसमध्ये, विशिष्ट महिन्यात उपवास, कुटुंबाला संशय, ‘द नाशिक स्टोरी’चा कॉलेजपासूनचा प्रवास उघड
तिथे गेल्यावर एका महिलेने सोनाराकडे सोन्याचे मणी मोडण्याबाबत केवळ नाटक केले. ‘आम्ही नंतर येतो’, असे दुकानदाराला सांगून त्या महिला लताबाईंना सोबत घेऊन पुन्हा जिल्हा रुग्णालयात आल्या. पायदुखीने व्याकुळ झालेल्या लताबाईंना या धावपळीत प्रचंड तहान लागली होती. हीच संधी साधून संशयित महिलांपैकी एकीने स्वतःजवळील बाटलीतील पाणी लताबाईंना पिण्यास दिले. मात्र, या पाण्यात गुंगीचे औषध मिसळलेले होते.

पाणी पिताच लताबाईंना चक्कर आली आणि त्या तिथेच बेशुद्ध पडल्या. काही वेळाने लताबाईंची गुंगी उतरली. त्यांना दोन्ही महिला गायब असल्याचे दिसले. त्यांनी स्वतःची तपासणी केली असता, गळ्यातील १० ग्रॅमची सोन्याची पोत आणि कानातील ५ ग्रॅमची सोन्याची कर्णफुले असा एकूण दीड लाखांचा मुद्देमाल चोरीला गेल्याचे त्यांच्या लक्षात आले. फसवणूक झाल्याचे समजताच लताबाईंनी तातडीने सरकारवाडा पोलिस ठाणे गाठून आपबिती सांगितली. पोलिसांनी याप्रकरणी अज्ञात महिलांविरुद्ध गुन्हा दाखल केला आहे.

Nashik Leopard Attack: जांभळाच्या झाडावर दबा… अन् तासाभरात दोन हल्ले! बोरखिंडमध्ये बिबट्याचा थरार; हिमतीने वाचला जीव
सीसीटीव्हींची पाहणी
संशयित महिला परजिल्ह्यातील एखाद्या संघटित लुटारू टोळीच्या सदस्य असण्याची दाट शक्यता आहे. अशा प्रकारची टोळी शहरात सक्रिय झाल्याा अंदाज वर्तविला जात आहे.