Amravati Crime: दर्यापूरमध्ये एका अल्पवयीन मुलीवर २ अज्ञातांनी घरात घुसून चाकूहल्ला केल्याच्या वृत्ताने खळबळ उडाली होती. मात्र, सीसीटीव्ही कॅमेऱ्याच्या फुटेजमधून वेगळेच सत्य समोर आले आह.
काय घडलं नेमकं?
दर्यापूरच्या आनंदनगर भागात बुधवारी दोन दुचाकीस्वारांनी एका मुलीवर जीवघेणा हल्ला केल्याची तक्रार दाखल झाली होती. घटनेचे गांभीर्य लक्षात घेऊन पोलिस अधीक्षक निकेतन कदम यांच्यासह वरिष्ठ अधिकाऱ्यांनी तातडीने तपासाची चक्रे फिरवली. आरोपींचा शोध घेण्यासाठी दोन पथके तैनात करण्यात आली.
तपासादरम्यान पोलिसांनी आनंदनगर परिसरातील मुख्य रस्त्यावरील सीसीटीव्ही फुटेज तपासले. मात्र, कथित घटनेच्या वेळेत तिथे कोणतीही संशयास्पद हालचाल किंवा मोटारसायकल दिसली नाही. हाच या तपासातील सर्वात मोठा टर्निंग पॉइंट ठरला आणि पोलिसांचा संशय बळावला.
El Nino: यंदाच्या खरीपावर ‘एल निनो’चं संकट! राज्यात सरासरी 88 टक्के पावसाचा अंदाज, प्रभाव कधीपासून दिसणार?
सहायक पोलिस निरीक्षक नम्रता राठोड यांनी मुलीला आणि तिच्या आईला विश्वासात घेऊन कसून चौकशी केली. पोलिसांच्या चौकशीसमोर अखेर मुलीचा धीर सुटला आणि तिने सत्य कबूल केले. आदल्या रात्री आई रागावल्यामुळे ती प्रचंड मानसिक दडपणाखाली होती. दुसऱ्या दिवशी स्वयंपाकघरात भाजी कापत असताना, वैतागाच्या भरात तिने स्वतःच्याच हातावर आणि गळ्यावर चाकू चालवला. रक्त पाहून घाबरलेल्या मुलीने घरच्यांच्या रागापासून वाचण्यासाठी चेहरा झाकलेल्या दोन मुलांनी हल्ला केला अशी काल्पनिक कथा रचली.
Maratha Reservation : एकीकडे मराठा आरक्षणाच्या आंदोलनाचा इशारा, दुसरीकडे CM फडणवीसांचं शिष्टमंडळ मनोज जरांगेंच्या भेटीला; केलं मोठं आवाहन…
तर दुसऱ्या एका घटनेत, अमरावती-अकोला महामार्गावर लोणी परिसरात गुरुवारी दुपारी झालेल्या भीषण रस्ता अपघातात ताजनगर येथील मोहम्मद नौशाद कुरेशी (४४) यांचा जागीच मृत्यू झाला. तर त्यांची पत्नी गुलनाज अंजुम मोहम्मद नौशाद कुरेशी (३५) आणि आठ वर्षीय मुलगा मोहम्मद अबदान हे गंभीर जखमी झाले असून त्यांच्यावर रुग्णालयात उपचार सुरू आहेत.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा