यात क्षेत्रीय स्तरावरील गंभीर त्रुटी आणि रुग्णांना संदर्भित करण्यात झालेला विलंब समोर आल्यानंतर मुख्य कार्यकारी अधिकारी व जिल्हा आरोग्य अधिकारी डॉ. सुधाकर मोरे यांनी नाराजी व्यक्त करत नोटिसा बजाविल्या.

Nashik Crime: विवाहित महिलेचा तब्बल सातवेळा गर्भपात; नाशिकमधील ३३ वर्षीय तरुणीचा छळ, पतीसह सासू-सासऱ्यांना दणका
सविस्तर चौकशी
या सभेत दिंडोरी, पेठ, बागलाण, येवला, इगतपुरी आणि सुरगाणा या तालुक्यांमधील एकूण ६ बालमृत्यू प्रकरणांचे सविस्तर चौकशी करण्यात आली. या बैठकीला डॉ. सुधाकर मोरे, डॉ. हर्षल नेहेते, उपमुख्य कार्यकारी अधिकारी प्रताप पाटील, बालरोगतज्ज्ञ, स्त्रीरोगतज्ज्ञ यांच्यासह संबंधित तालुक्यांचे आरोग्य अधिकारी, आशासेविका, अंगणवाडी सेविका आणि मृत बालकांचे नातेवाईक उपस्थित होते.

Ashok Kharat Case: ‘मनी लाँड्रिंग’चे परदेशात धागेदोरे? भोंदू अशोक खरात ईडीच्या कोठडीत; 70 कोटींचे व्यवहार रडारवर
बालमृत्यू रोखण्यासाठी मार्गदर्शक सूचना
-भविष्यात अशा घटनांची पुनरावृत्ती टाळण्यासाठी बैठकीत मार्गदर्शक सूचना देण्यात आल्या
-गरोदरपणाच्या सातव्या महिन्यापासून दर आठवड्याला मातांचा पाठपुरावा करून त्यांना वेळेत संदर्भ सेवा पुरवाव्यात
-आरोग्य व अंगणवाडी सेविकांनी गंभीर आजारी बालकांवर वेळेत प्राथमिक उपचार करून त्यांना उच्च उपचारांसाठी पाठवावे
-आजाराची लक्षणे आढळल्यास ग्रामीण रुग्णालय किंवा तज्ज्ञ डॉक्टरांकडे पाठवावे
-बालकांचे नियमित वजन उंची घेऊन ‘सॅम’ व ‘मॅम’ बालकांना न्युट्रिशनल रिहॅबिलेशन सेंटर किंवा ‘व्हीसीडीसी’ मध्ये दाखल करावे
-डॉक्टरांच्या सल्ल्याविरोधात बालकाला घरी घेऊन जाणाऱ्या पालकांचे आरोग्य विभागातर्फे योग्य समुपदेशन केले जावे
-लसीकरण आणि गृहभेटीदरम्यान सर्व बालकांची परिपूर्ण तपासणी व्हावी

बालमृत्यूंच्या घटना दुदैवी आहेत. यंत्रणेच्या निष्काळजीपणामुळे एकही जीव जाता कामा नये. कर्तव्यात कसूर करणाऱ्यांवर यापुढे केवळ नोटीस नाही, तर थेट निलंबनाची कारवाई केली जाईल. -प्रतिभा संगमनेरे, प्रभारी मुख्य कार्यकारी अधिकारी, जिल्हा परिषद, नाशिक