Kolhapur Gokul Milk Price Increase : देशात सर्वत्र महागाईचे चटके बसत असताना, गोकुळने गायीच्या दूधाच्या विक्रीदरात वाढ केली आहे. नवीन दर 21 मे 2026 पासून लागू होणार आहेत.
म्हैशीच्या दूधात दरवाढ नाही
नवीन विक्रीदरानुसार कोल्हापूर आणि कोकणमध्ये गायीचे दूध आता प्रतिलिटर 52 रुपये इतक्या, तर पुणे आणि मुंबईत प्रतिलिटर 60 रुपये इतके विकले जाईल. गोकुळने स्पष्ट केलं आहे की, ही वाढ केवळ गायीच्या विविध ब्रँडवर लागू होणार आहे. म्हैशीच्या दूधाच्या विक्रीदरात कोणताही बदल करण्यात आलेला नाही, त्यामुळे म्हैशीचं दूध ग्राहकांसाठी सध्या स्थिर राहील.
Dhule Crime : फायनान्समध्ये काम करणाऱ्या तरुणीला अन् ग्रा.पं शिपायाला एकाच रात्री संपवलं, भोंदूबाबाचा मोठा कांड; शनी अमावस्येच्या रात्रीची घटना
दरवाढ का करावी लागली?
गोकुळच्या अधिकाऱ्यांनी सांगितलं की, ‘सध्या पेट्रोल-डिझेल दर, कच्च्या मालाचे दर, वाहतूक खर्च आणि पॅकेजिंगवरचा खर्च ह्या सर्व घटकांमुळे संघाच्या एकूण खर्चात लक्षणीय वाढ झाली आहे. शिवाय कडक उन्हाळा आणि चाऱ्याच्या तुटवड्यामुळे दूध संकलनात घट झाल्यानं ताण वाढला आहे. यापूर्वी 21 फेब्रुवारीला गोकुळने दूध उत्पादक शेतकऱ्यांच्या हितासाठी खरेदीदरात बदल केले होते. म्हैशीच्या खरेदीदरात प्रतिलिटर 1 रुपया आणि गायीच्या खरेदीदरात प्रतिलिटर 2 रुपये वाढ केली होती. परंतु त्यावेळी विक्रीदर ग्राहकांवर टाकले नव्हते. आता प्रशासनाच्या म्हणण्यानुसार खर्चाचा ताळमेळ राखण्यासाठी विक्रीदर वाढ करणे अनिवार्य ठरलं’.
शेतकऱ्यांना थेट फायदा नाही
गोकुळच्या निर्णयात महत्त्वाचा मुद्दा असा आहे की, विक्रीदर वाढवली तरी दूध उत्पादक शेतकऱ्याकडून घेतल्या जाणाऱ्या खरेदीदरात कोणतीही वाढ करण्यात आलेली नाही. त्यामुळे ही वाढ थेट शेतकऱ्यांना लाभ देणार नाही; उलट ग्राहकांवर अतिरिक्त प्रतिलिटर 2 रुपयाचा ताण येणार आहे.Nanded Crime : नीटची तयारी करताना विद्यार्थिनीला 120 गुण, पुण्यात सराव परीक्षेवेळी 560 मार्क्स, NEET पेपरफुटीचे धागेदोरे नांदेडमध्ये; कुटुंबाची 8 तास चौकशी
इतर ब्रँड्सनीही दरवाढीचं उचललं पाऊल
मेम्बर-केंद्रित आणि राज्यभरातील बाजारपेठेतील तणावाची परिस्थिती लक्षात घेता अमूल व मदर डेअरीसारख्या आघाडीच्या ब्रँड्सने देखील मे महिन्यात दुधाच्या किमतीत वाढ केली आहे. अमूल व मदर डेअरीने 14 मे 2026 पासून काही प्रकारच्या दुधाच्या किमतीत प्रतिलिटर 2 रुपये वाढ लागू केली होती, ज्यामुळे अमूल गोल्ड सुमारे 70 रुपये आणि मदर डेअरी फुल क्रीम सुमारे 72 रुपये प्रतिलिटरपर्यंत पोहोचले आहे. स्थानिक स्तरावर चितळे, कात्रज आणि ऊर्जा इत्यादी ब्रँड्सनेही मागील महिन्यांत उत्पादन खर्चामुळे दर वाढवले होते.
परिणाम आणि पुढील वाटचाल
गोकुळचा दरवाढीचा निर्णय कोल्हापूर व मोठ्या शहरांमधील उपभोक्त्यांच्या मासिक बजेटवर तातडीने परिणाम करणार असून कडक उन्हाळ्यात वाढलेल्या वीज-इंधन आणि चाऱ्याच्या खर्चाच्या दबावामुळे दूध साठा व विक्रीचं संतुलन भविष्यातील चर्चेचा विषय राहील. गोकुळवरील प्रशासकीय मंडळाचे अध्यक्ष संजयकुमार सुद्रीक यांनी सांगितलं की, ‘दूध उत्पादन आणि बाजार स्थितीचं विश्लेषण करून भविष्यातील खरेदी-विक्रीदर निर्धारण वेळोवेळी केलं जाईल, ज्यायोगे शेतकऱ्यांना न्याय्य मोबदला मिळावा आणि ग्राहकांना दर्जेदार दूध परवडणाऱ्या किमतीत उपलब्ध राहावे’.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा