Pune Crime : २०१५ पासून तो आमच्यापासून वेगळा राहतो, असं म्हणत आरोपी भीमराव कांबळे याला फाशीची शिक्षा देण्याची मागणी त्याची पत्नी व मुलाने केली. त्याच्याशी माझा कोणताही संबंध नाही. त्याला कठोर शिक्षा दिल्यावर बॉडीही आमच्या ताब्यात देऊ नका, असंही भीमरावची पत्नी म्हणाली
ससून रुग्णालय प्रशासनाने शवविच्छेदनाचा प्राथमिक अहवाल पोलिसांना दिला आहे. मृत्यूचे कारण शोधण्यासाठी अंतर्गत अवयवांचे नमुने तपासणीसाठी ठेवण्यात आले आहेत. प्रादेशिक न्यायसहायक वैज्ञानिक प्रयोगशाळेतील तपासणीतूनच मृत्यूचे खरे कारण स्पष्ट होणार असल्याचे सूत्रांनी सांगितले.
इन कॅमेरा शवविच्छेदन
नसरापूर येथे एक मे रोजी एका ६५ वर्षीय व्यक्तीने घरासमोर खेळणाऱ्या मुलीला गोठ्यात नेऊन तिच्यावर लैंगिक अत्याचार करून तिचा खून केल्याची घटना घडली होती. यानंतर ससून रुग्णालयात या मुलीच्या मृतदेहाचे शवविच्छेदन करण्यात आले होते. ससूनमधील न्यायवैद्यक विभागात शवविच्छेदनाची संपूर्ण प्रक्रिया ‘इन कॅमेरा’ करण्यात आली होती. शवविच्छेदनादरम्यान घेतलेले अंतर्गत अवयवांचे नमुने तपासण्यासाठी प्रादेशिक न्यायसहायक वैज्ञानिक प्रयोगशाळेकडे पाठविण्यात आले आहेत. शवविच्छेदनावेळी प्रयोगशाळेच्या गुन्हे शाखेतील न्यायवैद्यक तज्ज्ञ उपस्थित होते. या प्रकरणाचा तातडीने तपास सुरू असल्याची माहिती अधिकाऱ्यांनी दिली.
Mumbai Police Duty Hours : आठ तास ड्युटीचे ‘बारा’ वाजले! आता ’12 तास काम, 24 तास आराम’ संकल्पना आणा, पोलिसांची वाढती मागणी
ससून रुग्णालयात या प्रकरणातील आरोपीची सक्षमता तपासणी करण्यात आली आहे. या प्रकरणाचा जलद गतीने तपास सुरू असल्याने सक्षमता तपासणीचा अहवाल तातडीने सादर करण्याची सूचना पोलिसांनी रुग्णालयाकडे केली आहे. त्यानुसार तातडीने अहवाल देण्यात येणार असल्याचे अधिकाऱ्यांनी सांगितले.
Abhijeet Bichukle | ‘छत्री धरणाऱ्या बाईला तुरुंगात टाका’; बिचुकले चाकणकरांवर भडकले
बायको म्हणते, संबंध नाही
आरोपी भीमराव कांबळे याला कठोरात कठोर शिक्षा देऊन फाशीच द्यावी, अशी मागणी त्याची पत्नी व मुलाने व्यक्त केली आहे. ‘गेल्या अनेक वर्षांपासून त्याचा आमच्या कुटुंबाशी कोणताही संबंध नाही,’ असे स्पष्ट करून पत्नी आणि मुलाने अत्याचाराच्या घटनेचा तीव्र निषेध नोंदवला. पत्नीने संतप्त शब्दांत प्रतिक्रिया देताना सांगितले, ‘सन २०१५ पासून तो आमच्यापासून वेगळा राहतो. आम्ही कष्ट करून उदरनिर्वाह करतो. त्याने केलेले कृत्य घृणास्पद असून, त्याच्याशी आमचा कोणताही संबंध नाही. त्याला कठोर शिक्षा व्हावी. त्याचं शवदेखील आमच्या ताब्यात देऊ नये.’Watermelon Deaths : ना पाणी, ना कलिंगड-बिर्याणी; अन्नावाटे विष शरीरात गेलं नाही, चौघांच्या शरीरात मॉर्फिन कसं शिरलं? डॉक्टरांचे थक्क करणारे सवाल
प्रशासनाकडे निवेदने
या प्रकरणाच्या पार्श्वभूमीवर विविध संघटनांनीही आरोपीविरुद्ध कठोर कारवाईची मागणी केली आहे. राजगड विकास परिषद व राष्ट्रशक्ती संघटनेचे अध्यक्ष ज्ञानेश्वर दारवटकर आणि सहकाऱ्यांनी निवासी उपजिल्हाधिकारी ज्योती कदम यांना निवेदन देऊन आरोपीला तत्काळ फाशी देण्याची मागणी केली; तसेच भोर व राजगड परिसरातील विविध संस्था व संघटनांनी तहसीलदारांकडे निवेदने सादर करीत चिमुरडीला न्याय देण्यासाठी आरोपीला कठोर शिक्षा देण्याची मागणी केली.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा