रवी संजय माने (वंजारवाडी, बारामती), श्रीकांत अर्जुन घुले (ढेकळवाडी, बारामती), अभिषेक भाऊसो ठोंबरे (ढेकळवाडी, बारामती), अतुल मोहन भोलणकर (वंजारवाडी, बारामती) अशी अटक केलेल्या आरोपींची नावे आहेत. या प्रकरणी सूरज सरजेराव गावडे (वय २७) यांनी फिर्याद दिली आहे.

नेमकं काय झालं?

याबाबत पोलिसांनी दिलेल्या माहितीनुसार, फिर्यादी सूरज सरजेराव गावडे (वय २७) (रा. तासगाव, जि. सांगली) यांना ४ मे २०२६ रोजी बारामती एमआयडीसी येथे गहू नेण्यासाठी बोलावून त्यांना पिस्तूलाचा धाक दाखवत मारहाण केली व त्यांच्या अंगावरील सोन्या-चांदीचे दागिने, रोख रक्कम आणि वाहन हिसकावून घेतले. या प्रकरणी बारामती तालुका पोलीस ठाण्यात गुन्हा दाखल करण्यात आला होता.

Raigad Beach Tar Balls Pollution: रायगडच्या समुद्रकिनारी डांबराचा खच; मासोळीवर विषबाधेचे सावट, मानवी आरोग्यालाही मोठा धोका

पोलिस कारवाई

गुन्ह्याचे गांभीर्य लक्षात घेऊन पोलिसांनी तात्काळ तपास सुरू केला. सीसीटीव्ही फुटेज, तांत्रिक विश्लेषण आणि माहितीदारांच्या मदतीने आरोपींचा माग काढण्यात आला. विविध ठिकाणी पाठलाग करत अखेर सापळा रचून आरोपींना ताब्यात घेण्यात आले. अटकेतील आरोपींमध्ये
रवी संजय माने, श्रीकांत अर्जुन घुले,अभिषेक भाऊसो ठोंबरे अतुल मोहन भोलणकर यांचा समावेश आहे.

टोळीने यापूर्वीही केले आहेत गुन्हे

आरोपींकडून दोन बनावट पिस्तुले, तीन जिवंत काडतुसे, सोन्या-चांदीचे दागिने, रोख रक्कम, गुन्ह्यात वापरलेली वेगनार कार आणि मोबाईल फोन जप्त करण्यात आले. पोलिसांच्या चौकशीत या टोळीने यापूर्वीही अशा प्रकारचे गुन्हे केल्याचे समोर येत असून, पुढील तपास सुरू आहे. ही कारवाई पोलीस अधीक्षक पुणे ग्रामीण यांच्या मार्गदर्शनाखाली बारामती तालुका पोलीस ठाण्याचे पोलीस निरीक्षक चंद्रशेखर यादव व त्यांच्या पथकाने केली.

Pune Crime : किरकोळ वाद, भररस्त्यात गाठलं; जुन्या रागातून तरुणाला संपवलं; 4 अल्पवयीन मुलांचं कृत्य

थरारक पाठलाग करून अटक

सिन्नरमास कंपनी जवळ समोरून भिगवण पोलिस आणि मागून वालचंदनगर व बारामती पोलिसांनी घेराव घालत पाठलाग तीव्र केला. अखेर रात्री सुमारे ८.५० वाजता तीन आरोपींना गाडीसह ताब्यात घेण्यात आले. त्यानंतर चौथा आरोपी अतुल भोलणकर याला त्याच्या घरातून अटक करण्यात आली. या कारवाईदरम्यान आरोपींकडून ७,५०,००० रु चे सोन्या चांदीचे दागिने, घड्याळ, जिवंत काडतूस सह दोन पिस्तूल, ६५,००० रु रोख रक्कम असा मुद्देमाल जप्त करण्यात आला.

गाडी न थांबवता पळ काढला

पोलीस निरीक्षक यादव यांच्याकडून इंदापूर, भिगवण, वालचंदनगर पोलिसांना सतर्क करून रस्त्यावर नाकाबंदी लावण्यात आली. पोलिसांनी आरोपींची गाडी पाहिली; मात्र त्यांनी गाडी न थांबवता पळ काढला. पोलिसांचा पाठलाग सुरू असल्याचे लक्षात येताच आरोपींनी आरोपींनी गाडीचा वेग आणखी वाढविला. त्यानंतरही पोलिसांनी मोठ्या शिताफीने आरोपींच्या मुसक्या आवळल्या.

Pune Crime : मार्कशीटवर खाडाखोड अन् बापाचं डोकं फिरलं; 9 वर्षांच्या पोटच्या मुलीला निर्घृणपणे संपवून घराला आग लावली

कारवाईत या पथकाचा सहभाग

ही धडाकेबाज कारवाईत पोलीस अधीक्षक संदीप सिंह गिल, अपर पोलीस अधीक्षक गणेश बिरादार, उपविभागीय पोलीस अधिकारी सुदर्शन राठोड यांच्या मार्गदर्शनाखाली, पोलिस निरीक्षक चंद्रशेखर यादव, API विक्रम पवार, PSI धनश्री भगत, HC भारत खारतोडे, नितीन ढवण, जितेंद्र शिंदे, शशिकांत दळवी, दादा दराडे, सुरेंद्र वाघ, संतोष कांबळे, आफ्रिन शेख, वालचंद नगर पोलीस स्टेशनचे API राजकुमार डूणगे, HC गणेश काटकर, किसान बेलदार, अभिजित कळसकर, विक्रम मोरे, भिगवन पोलीस ठाण्याचे PSI अमित पाटील, HC महेश उगले, अपर पोलीस अधीक्षक कार्यालयातील ASI गोरख पवार आदींचा कारवाई सहभाग होता.