Pune Palkhi Sohla 2026 Preparations: पुणे शहरात पालखी सोहळ्याच्या तयारीला वेग आला आहे. महापौर मंजुषा नागपुरे यांनी रस्ते दुरुस्ती, स्वच्छता आणि वारकऱ्यांच्या सुविधांबाबत प्रशासनाला आदेश दिले आहेत.
कचरामुक्त परिसर ठेवण्याचे आदेश
गेल्या वर्षी पालखी मुक्कामाच्या बैठकीत मोठा गोंधळ झाला होता. मात्र यंदा पालखी मार्गावर कुठेही गोंधळ, अस्वच्छता किंवा अडथळा निर्माण होऊ नये यासाठी संपूर्ण नियोजनावर भर देण्यात आला आहे. मार्गावर स्वच्छता मोहीम अधिक तीव्र करण्यात आली असून, ठिकठिकाणी कचरामुक्त परिसर ठेवण्याचे आदेश देण्यात आले आहेत. स्वागत मंडळांनी स्पीकर व्यवस्था, पिण्याचे शुद्ध पाणी आणि पुरेशी स्वच्छतागृहे तातडीने उपलब्ध करून द्यावीत, अशा सूचना देण्यात आल्या आहेत.
फील्डवर सक्रिय राहण्याचे निर्देश
भाविकांच्या सोयीसाठी प्रत्येक मुक्कामाच्या ठिकाणी तात्पुरत्या सुविधा उभारल्या जाणार आहेत. यामध्ये जलपान केंद्रे, वैद्यकीय तपासणी शिबिरे आणि आपत्कालीन सेवा केंद्रांचा समावेश असेल. कोणत्याही परिस्थितीत भाविकांना त्रास होऊ नये, यासाठी प्रशासनाला “फील्डवर सक्रिय” राहण्याचे निर्देश देण्यात आले आहेत.
Pune Crime : गहू खरेदीला बोलावलं, मग पिस्तूल रोखून लुटलं; पोलिसांनी दरोडेखोरांना फिल्मी स्टाईलने पकडलं
बोपोडी हाइट बॅरिअर
रस्त्यांची अवस्था लक्षात घेऊन पालखी मार्गावरील खराब रस्त्यांची दुरुस्ती तातडीने पूर्ण करण्यावर विशेष भर देण्यात आला आहे. विशेषतः बोपोडी परिसरात असलेल्या तीव्र चढ-उतारामुळे तेथे ‘हाइट बॅरिअर’ बसवण्याचे आदेश PWD विभागाला देण्यात आले आहेत, जेणेकरून गर्दीतही सुरक्षितता कायम राहील.
गर्दीचे नियोजन अधिक सुटसुटीत करण्यासाठी होळकर पूल परिसरातील पालखी थांबा वेळ कमी करण्याचा विचार प्रशासनाकडून केला जात आहे. तसेच PMPML बससेवा अधिक सक्षम करून भाविकांसाठी सुलभ वाहतूक व्यवस्था उपलब्ध करून देण्याचेही निर्देश देण्यात आले आहेत.
उत्सव काळात शहरातील प्रमुख रस्त्यांवर वाहतूक व्यवस्थापन काटेकोरपणे राबवले जाणार आहे. शाळा, स्थानिक संस्था आणि विविध शासकीय यंत्रणांमध्ये समन्वय साधून संपूर्ण यंत्रणा एकत्रितपणे कार्यरत राहणार आहे.
बोपोडी आणि खडकी परिसरात पालखी विश्रांतीसाठी सुमारे १५ मिनिटांचा कालावधी निश्चित करण्यात येणार असून, त्या वेळेत भाविकांना दर्शन घेण्यासाठी सुव्यवस्थित व्यवस्था केली जाणार आहे. एकूणच, लाखो वारकऱ्यांच्या श्रद्धेचा हा भव्य सोहळा सुरक्षित, स्वच्छ आणि शिस्तबद्ध पद्धतीने पार पाडण्यासाठी पुणे प्रशासनाने तयारीला वेग दिला असून शहर “पालखी स्वागतासाठी पुणे सज्ज” झाले आहे.
लेखकाबद्दलसुनिल लाटेसुनिल प्रभाकर लाटे महाराष्ट्र टाइम्स ऑनलाइनमध्ये कन्सल्टंट पदावर कार्यरत आहेत. गेली तीन वर्षे पत्रकार म्हणून त्यांनी प्रत्यक्षपणे काम केलं आहे, ज्यामध्ये त्यांनी लोकसत्ता ऑनलाईनमध्ये (मुंबई) इंटर्न म्हणून पत्रकारिता सुरू केली.
मेन डेस्क
इंटर्न म्हणून रुजू झाल्यानंतर संबंधित संपादकांनी दिलेली प्रत्येक जबाबदारी काळजीपूर्वक पार पाडली. सहा महिने मेन डेस्कसाठी सर्व बीटच्या बातम्यांचे काम केले.
फोटोगॅलरी, वेबस्टोरी
तिथंच त्यांना फोटोगॅलरी आणि वेबस्टोरी या विभागात काम करण्याची संधी मिळाली. त्या संधीचे सोने करत त्यांनी अतिशय दर्जेदार काम केले. लोकसत्तामध्ये काम करताना, राजकारण, मनोरंजन, क्रीडा या विषयावर सातत्याने बातम्यांचे लिखाण केल्याने त्यातील आवड खूप वाढली.
शिक्षण
सुनिल यांनी पत्रकारितेचे शिक्षण घेतले आहे. त्यांनी बीए आणि एमएपर्यंतच शिक्षण डॉ. बाबासाहेब आंबेडकर मराठवाडा विद्यापीठाच्या पत्रकारिता विभागातून पूर्ण केले आहे. दरम्यानच्या काळात त्यांनी स्थानिक वृत्तपत्रांसाठी शैक्षणिक बीट सांभाळत बातम्या लिहल्या.
जाहिरात क्षेत्रात काम
याशिवाय सुनिल यांना फोटोग्राफी, व्हिडिओ संपादन, ग्राफिक्स डिझाइनचीही आवड आहे. या आवडीला जोपासण्यासाठी त्यांनी पत्रकारिता विभागाशी संबंधित असलेल्या जाहिरात या क्षेत्रात काम केले आहे. ही काम त्यांनी स्वतःच्या आनंदासाठी केले. ज्यातून त्यांचा मोठा जनसंपर्क वाढला. काही पैसेही मिळवता आले.
दिग्दर्शन, संगीत
कॉलेज जीवनात त्यांनी तीन लघुपट बनवले, ज्याचे कॅमेरा, पटकथा आणि दिग्दर्शनही त्यांनी स्वतःच केले आहे. त्यांना संगीत क्षेत्रातही खास रस आहे. काव्यलेखन, गीत लेखन, सादरीकरण केलेले त्यांचे व्हिडिओ युट्यूबवर व्हायरल झालेले आहेत.
पत्रकारिता क्षेत्रातील उत्कंठा, उत्साह द्विगुणित
दरम्यान, महाराष्ट्र टाइम्स ऑनलाइनमध्ये संधी मिळाल्यानंतर हायपर लोकल बातम्यांचे काम करण्याचा अनुभव मिळाला. ज्यामध्ये क्राइमसह विविध महत्वाच्या आणि मोठ्या बातम्या लिहायचेही तंत्र त्यांनी विकसित केले. मटा ऑनलाईनमध्ये काम करताना सुनिल यांची पत्रकारिता क्षेत्रातील उत्कंठा, उत्साह द्विगुणित झाला आहे, कारण इथेही सहकाऱ्यांचे सहकार्य आणि संपादकांचे, वरिष्ठांचे, शिफ्ट इन्चार्ज यांचे अनमोल मार्गदर्शन वेळोवेळी मिळत राहते. महाराष्ट्र टाइम्स ऑनलाइनने पत्रकार म्हणून घडण्याची आणखी एक खूप मोठी सुवर्णसंधी दिल्याचे सुनिल मानतात.… आणखी वाचा