आगामी सिंहस्थ कुंभमेळ्यासाठी नाशिक शहर व लगतच्या ग्रामीण भागातून सुमारे ६६ किमीचा बाह्य परिक्रमा मार्ग विकसित केला जात आहे. त्यासाठी भूसंपादन केले जात असून, जमिनींची मोजणी सुरू आहे. मात्र, या विरोधात दरी, मातोरी, मुंगसरे, गोवर्धन, मखमलाबाद, गौळाणे, सारूळ, जलालपूर, महादेवपूर, ढकांबे, विंचूरगवळी आदी गावांतील शेतकरी न्यायालयात गेले आहेत.

Nashik News: ​​’मी तुझ्यावर प्रेम करतो, तू मला आवडतेस,’ घरात शिरुन नाशकात अल्पवयीन मुलीचा विनयभंग, रोडरोमियो गजाआड
न्यायप्रविष्ट प्रकरण असूनही शुक्रवारी (दि. १) रात्री ग्रामस्थांना व्हॉट्सअॅपवर जमीन मोजणीच्या नोटिसा पाठवण्यात आल्या. शनिवारी (दि. २ मे) सकाळी ९.३० ही मोजणीची वेळ असताना, इगतपुरी-त्र्यंबकेश्वरचे प्रांताधिकारी जी. व्ही. एस. पवनदत्ता यांच्यासह तहसीलदार, भूमी अभिलेख विभागाचे अधिकारी व पोलिसांचा फौजफाटा सकाळी सातलाच मोजणीसाठी मुंगसरे गावात पोहोचला.

कोणावरही लाठीमार केला नाही
सिंहस्थासाठी रिंगरोड निर्मितीपूर्वी जमीन अधिग्रहणाच्या मोजणीवेळी मातोरी गावात शनिवारी (दि. २) शेतकऱ्यांना मारहाण आणि लाठीमार झाल्याचा आरोप करण्यात येत असताना ग्रामीण पोलिसांनी मात्र हे आरोप फेटाळून लावले आहेत. कोणावरही लाठीमार केला नसून, महिलांना ताब्यात घेण्यासाठी महिला अधिकारी-कर्मचारी उपस्थित होते. पुरुषांनी कोणालाही हात लावलेला नाही. यासह काही शेतकऱ्यांनी आत्मदहनाचा इशारा देत घरात शिरल्याने त्यांना बाहेर काढण्याचा प्रयत्न केल्यावेळीचा व्हिडीओ व्हायरल झाला असून, त्यात मारहाण झालेली कुठेही दिसत नसल्याचा दावा ग्रामीण पोलिसांनी केला आहे.

Nashik Crime: सत्तर कोटींची बनवेगिरी उघड; कार्यारंभ आदेशांवर कुंभमेळा प्राधिकरण अध्यक्षांची बनावट सही, गुन्हा दाखल
शेतकरी व महिलांना झालेली अमानुष मारहाण हा दहशतीचा प्रकार आहे. पवनदत्ता यांच्यावर गुन्हा दाखल करावा; अन्यथा छावा क्रांतिवीर सेना तीव्र आंदोलन उभे करेल. –करण गायकर, छावा क्रांतिवीर सेना

मुंगसरे येथे शनिवारी सकाळी आठला जमीन मोजणी करण्यात आली. काही ग्रामस्थांनी विरोध केला. त्यांना प्रतिबंधात्मक कारवाई म्हणून ताब्यात घेण्यात आले. तेथील सात घरे वाचवण्यासाठी आराखडा बदलला आहे. मात्र, त्यामुळे इतरांची अधिक जागा जात असल्याने गावात दोन गट पडले आहेत. मारहाणीविषयी पोलिसांकडून माहिती घेऊन सांगतो. -आयुष प्रसाद, जिल्हाधिकारी, नाशिक