सोडतीचा अंतिम टप्पा

म्हाडा पुणे मंडाळाने काही वर्षांपूर्वीच ताथवडे येथे गृहप्रकल्प उभारायला सुरुवात केली. या जमिनीवर दोन टप्प्यात घरे बांधण्याचा निर्णय घेण्यात आला होता. पहिल्या टप्प्यातील 600हून अधिक घरांची विक्री यापूर्वीच पूर्ण झाली आहे. आता दुसऱ्या टप्प्यातील विक्रीसाठी 792 घरांची सोडत जाहीर करण्यात आली आहे. या घरांचे काम येत्या चार महिन्यात पूर्ण होणार आहे. त्यामुळे जुलैमध्ये सोडत घेण्याचा निर्णय घेण्यात आला. हा या सोडतीचा अंतिम टप्पा असल्यामुळे नागरिकांसाठी ही शेवटची संधी आहे.या सोडतीमध्ये अल्प उत्पन्न गटासाठी 24 सदनिका असून त्यांची किंमत 46 ते 47 लाख रुपये असेल. या घरांचे क्षेत्रफळ 59.08 चौ.मीटर ते 60.66 चौ. मीटर असेल. 792 घरांपैकी केवळ 24 घरे अल्प उत्पन्न गटासाठी (LIG) राखीव ठेवले आहेत. इतर 768 घरं, मध्यम उत्पन्न गटासाठी (MIG) राखीव ठेवले आहेत. मध्यम गटातील घरांचे क्षेत्रफळ 69.34 ते 70.92 चौ.मीचर असून त्यांची किंमत 64 लाक 50 हजार रुपये ते 65 लाख 50 हजार रुपयांच्या दरम्यान असेल.

अर्ज नोंदणी कधीपासून?

या सोडतीसाठी सोमवारी, 27 एप्रिल रोजी, दुपारी दीड वाजल्यापासून नागरिकांना ऑनलाइन नोंदणी करून अर्ज भरता येणार आहे. त्यानंतर 2 जूनपर्यंत अनामत रक्कमेसह अर्ज सादर करण्याची मुदत म्हाडाने दिली आहे. सोडतीत सहभागी होण्याकरिता ही अनामत रक्कम भरणे अनिवार्य आहे. अल्प गटासाठी अनामत रक्क 50 हजार रुपये आहे. दरम्यान, मध्यम गटासाठी अमानत रक्कम 75 हजार रुपये असेल. या व्यतिरिक्त नागरिकांना अर्ज भरताना विनापरतावा 708 रुपये अर्ज शुल्क भरावा लागेल. 30 जून रोजी पात्र अर्जांची यादी जाहीर करून नंतर 8 जुलै रोजी दुपारी 12 वाजता सोडत जाहीर होईल. 8 जुलैला हा निकाल ऑनलाइन पद्धतीने जाहीर करण्यात येणार आहे.

ताथवडे सारख्या महामार्गांलगत असलेल्या ठिकाणी पुणेकरांना घर विकत घेणं शक्य होणार आहे. पुणे मुख्य शहर आणि दोन महामार्गांना जोडणारे हे एक महत्त्वाचे ठिकाण आहे.

पुण्यातील कोणत्या भागांमध्ये म्हाडाची सोडत सुरू?

म्हाडाच्या पुणे मंडळाद्वारे 2025-26 या वर्षात विविध गृहनिर्माण योजनांर्तगनत प्रमुख भागात घरे उपलब्ध आहेत. ताथवडेशिवाय वाकड, चिखली, लोहगाव, मुंढवा, येवलेवाडी, वाघोली, किवळे, फुरसुंगी, डुडुळगाव, पिसोळी, बालेवाडी, हडपसर आणि पुनावळे या भागांचा समावेश आहे.

पुण्यात म्हाडा फ्लॅट कसा खरेदी करावा?

पुण्यात म्हाडाचा (MHADA) फ्लॅट खरेदी करण्यासाठी ऑनलाइन प्रक्रियेचा वापर केला जातो. पुण्यात म्हाडा फ्लॅट खरेदी करण्याची टप्प्याटप्प्याने प्रक्रिया:
1. म्हाडाच्या अधिकृत लॉटरी वेबसाईटवर mhada.gov.in ला भेट द्या. ‘New Registration’ वर क्लिक करून युजरनेम आणि पासवर्ड तयार करा.

2. नोंदणीकृत आयडी वापरून लॉग इन करा. ‘Pune Board Lottery 2025’ किंवा नवीन सुरू असलेली योजना निवडा. तुमच्या उत्पन्न गटावर (EWS, LIG, MIG, HIG) आधारित योजना निवडा.

3. म्हाडा लॉटरीमध्ये अर्ज करण्यासाठी तुम्हाला अनामत रक्कम (Earnest Money Deposit – EMD) जमा करावी लागते, जी उत्पन्नाच्या गटावर अवलंबून असते

4. कागदपत्रे अपलोड करा

5. अंतिम टप्प्यात सोडत निघते. जर या यादीत तुमचे नाव असेल तर पुढील प्रक्रिया सुरू होतेय