तहसीलदार सुरेंद्र देशमुख यांनी २८ मार्च २०२५ रोजी वडगाव येथील गट क्रमांक ४२३, ४२४ व ४२५ मधील वहिवाट रस्ता मोकळा करण्याचे आदेश दिले होते. त्यानुसार मंडळ अधिकाऱ्यांना अंमलबजावणीचे निर्देश देण्यात आले होते. यासाठी यापूर्वी दोनदा पोलिस बंदोबस्तात कारवाईही करण्यात आली होती. मात्र, निर्णय विरोधात गेल्याने संबंधितांकडून सातत्याने विरोध दर्शविला जात होता. दरम्यान, आदेश होऊनही रस्ता खुला न झाल्याच्या निषेधार्थ ज्ञानेश्वर सांगळे, प्रभाकर कडभाने यांच्यासह काही शेतकऱ्यांनी तीन-चार दिवसांपासून तहसील कार्यालयासमोर उपोषण सुरू केले होते.

Nashik Crime : अ‍ॅक्सिस नासिक ‘व्हॉट्सअ‍ॅप ग्रुप’वर पीडितांचे फोटो शेअर, नाशिक TCS प्रकरणात 75 मिनिटांचा युक्तिवाद, लॅपटॉप स्क्रीनमागे भयंकर
या पार्श्वभूमीवर गुरुवारी दुपारी १२ वाजता तहसीलदार देशमुख हे महसूल अधिकारी सुमित नेटावणे व पोलिस पथकासह घटनास्थळी दाखल झाले. कारवाईदरम्यान रामनाथ कचरू सांगळे यांच्यासह इतरांनी रस्त्यावर दगड टाकून अडथळा निर्माण केला. तसेच ड्रममधील डिझेलसदृश ज्वलनशील पदार्थ अंगावर ओतून आत्मदहनाचा प्रयत्न केला. सरकारी कामकाजात अडथळा निर्माण झाल्याने संबंधितांविरोधात गुन्हा दाखल करण्यात आला. पुढील तपास हवालदार गणेश वराडे करत आहेत.

Nashik Leopard Attack: नाशकात बिबट्याच्या हल्ल्यात 2 वर्षीय चिमुरडीचा मृत्यू; आई-बापाच्या डोळ्यादेखत उचलून नेलं, परिसरात हळहळ
दारू विक्रीची माहिती दिल्याच्या संशयातून मारहाण
सिन्नर : पोलिसांना दारू विक्रीबाबत माहिती दिल्याच्या संशयातून एका तरुणावर सात जणांनी काठ्यांनी हल्ला केल्याची घटना चास येथे घडली. योगेश सुभाष काकड (४१, रा. कासारवाडी) यांना २१ रोजी रात्री संशयितांनी अडवले. ‘तू पोलिसांना मी दारू विक्री करतो अशी माहिती का दिली?,’ असा जाब विचारत चिवडी (पूर्ण नाव अज्ञात), सौरभ अंबादास पवार, अविनाश बाळासाहेब पवार, शरद अंबादास पवार व इतर तिघांनी हल्ला चढवला. त्यानंतर चास ते कासारवाडीदरम्यान रस्त्याने ओढत नेत मारहाण सुरूच ठेवली. या झटापटीत काकड यांच्या गळ्यातील सुमारे २२ ग्रॅम सोन्याची चेन आणि मोबाइल फोन हिसकावून आरोपी पसार झाले. वावी पोलिसांत गुन्हा दाखल करण्यात आला असून, पोलिस उपनिरीक्षक प्रमोद सरोवर पुढील तपास करत आहेत.