Goregaon NESCO Music Concert : पोलिसांनी विनीतच्या मोबाइलची झाडाझडती घेतली असता, त्याने अनेक जणांना ड्रग्जचे वाटप केल्याचं दिसून आले. त्यांच्याकडून विनीत याच्या खात्यावर पैसेही आले आहेत. त्याचे आयोजक आणि इतरांसोबतही संबंध असल्याची शक्यता नाकारता येत नाही, असं पोलिसांनी म्हटलं आहे. त्यामुळे आयोजक आणि विनीत यांची समोरासमोर चौकशी करायची असल्याचं पोलिसांनी न्यायालयात सांगितलं.
नेमकं प्रकरण काय?
या सर्व आरोपींना न्यायालयाने १८ एप्रिलपर्यंत पोलिस कोठडी सुनावली. या प्रकरणात आणखी दोन आरोपींवर पोलिसांची नजर आहे. गोरेगाव नेस्को सेंटरमध्ये ११ एप्रिल रोजी नेस्को आणि इन्स्पायरिंग टाय प्रोडक्शन यांच्या वतीने ‘९९९९९९९९९- टेक्नो इव्हेण्ट’ या संगीत रजनी कार्यक्रमाचे (लाइव्ह म्युझिक कॉन्सर्ट) आयोजन करण्यात आले होते. या कार्यक्रमात ड्रग्जचा ओव्हरडोस झाल्याने बिस्मातसिंह भसीन आणि श्रेया राय या एमबीएच्या दोन विद्यार्थ्यांचा मृत्यू झाला. या प्रकरणी पोलिसांनी विहान उर्फ आकाश समळ, सनी जैन, रौनक खंडेलवाल, बालकृष्णन कुरूप, प्रतीक पांडे आणि आनंद पटेल या सहा जणांना अटक केली. न्यायालयाने त्यांना पोलिस कोठडी सुनावल्यानंतर पोलिसांनी सर्व आरोपींची चौकशी केली. तपासादरम्यान, हाती आलेल्या पुराव्यांवरून उल्हासनगर येथील आणि दक्षिण मुंबईतील कॉलेजमध्ये शिकणारा विनीत गेरेलानी हादेखील संपर्कात असल्याचे निदर्शनास आले. त्यामुळे पोलिसांनी त्यालाही अटक केली. या सर्व आरोपींना काल गुरुवारी बोरिवली येथील न्यायालयात हजर करण्यात आले असता, न्यायालयाने त्यांना दोन दिवसांची पोलीस कोठडी सुनावली.
Mumbai Concert Tragedy : रौनकने पिवळी गोळी दिली, मग काही आठवत नाही, थेट हॉस्पिटलमध्येच उठले; म्युझिक कॉन्सर्टना नशेचा विळखा, बचावलेल्या तरुणीचा चक्रावणारा जबाब
आधीही नेस्कोत ड्रग्जसेवन
पोलिसांनी अटक आरोपी प्रतिक पांडे याची कसून चौकशी केली असता, त्याने याआधीही नेस्को येथील म्युझिक कॉन्सर्टमध्ये गेल्याचं सांगितलं. मृत तरुणी श्रेया राय आणि इतर मित्र-मैत्रिणींसोबत या ठिकाणी झालेल्या म्युझिक कॉन्सर्टमध्ये प्रतीक सहभागी झाला होता. त्यावेळी या सर्वांनी ‘एमडीएमए एक्सटसी’च्या गोळ्या सेवन केल्या, असं पोलिसांनी सांगितलं.Goregaon NESCO म्युझिक कॉन्सर्टचं रेटकार्ड व्हायरल; 3 हजारांपासून तीन लाखांचं तिकीट, अव्वाच्या सव्वा दर तरीही तोबा गर्दी
विनीतने केले व्यवहार
स्नॅपचॅटद्वारे विनीतने ड्रग्जचे व्यवहार केल्याचं तपासात समोर आलं आहे. ड्रग्जचे पैसे स्वीकारण्यासाठी स्नॅपचॅटवरुनच क्यूआर कोड पाठविण्यात आले. अमली पदार्थ विकून आलेले पैसे त्याच्या खात्यावर आले. त्याने नंतर या गुन्ह्यात हव्या असलेल्या अन्य एका आरोपीला ते पाठविल्याचे पोलिसांनी सांगितले. ड्रग्जची खरेदी-विक्रीच नाही, तर विनीत स्वत:ही ११ एप्रिल रोजी झालेल्या म्युझिक कॉन्सर्टमध्ये उपस्थित होता, असंही निष्पन्न झाले आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा