एक्सप्रेस बंद करण्यामागचं कारण काय?

करोनाकाळात, 2020मध्ये दादर-रत्नागिरी पॅसेंजर बंद करून दिवा-रत्नागिरी सुरू झाली. त्यातच दादर-गोरखपूर ही विशेष गाडी नियमित केल्याने कोकणवासींच्या संतापात भर पडली. प्रवासी संघटना तसेच आमदार-खासदारांनी रेल्वेमंत्र्यांकडे पत्रव्यवहार करत दादर-रत्नागिरी एक्स्प्रेस नियमित करण्याची मागणी केली.Mumbai Metro 4: सहा वर्षांपासून रखडलेल्या कामाला वेग! वडाळा-कासारवडवली मेट्रोचं शेवटचं स्थानक बनणार; मुंबई-ठाणे प्रवास सुलभ होणार

जनसुविधेच्या दृष्टीने दिवा-रत्नागिरी पॅसेंजर पूर्ववत दादर रेल्वे स्थानकावरून सुरू करण्याच्या कार्यकारी व्यवहार्यता तपासण्याचे आदेश देण्यात आले आहेत, अशा आशयाचा मजकूर रेल्वेमंत्री यांनी पाठवलेल्या पत्रात आहे. दादर-रत्नागिरी गाडीला दिवा मार्गे जाताना उपनगरी रेल्वे रूळ ओलांडावे लागतात. यामुळे सहा ते आठ लोकलना याचा फटका बसतो. त्याचा परिणाम रेल्वेच्या वक्तशीरपणावर होतो. यामुळे 2020 पासून ही गाडी दिव्याहून चालवण्यात आली, असे स्पष्टीकरण मध्य रेल्वेचे आहे.

सविस्तर तपासणी नंतर अंतिम निर्णय

वायकर यांना दिलेल्या उत्तरात वैष्णव म्हणाले की, प्रवाशांसाठी ही मागणी रेकॉर्डवर घेण्याचा निर्णय घेण्यात आला आहे. परंतु, कोणत्याही अंतिम निर्णयापूर्वी अधिकाऱ्यांना ऑपरेशनल व्यवहार्यतेचं मूल्यांकन करण्यास सांगितले आहे. रेल्वे मंत्रालयासमोर अहवाल सादर करण्यापूर्वी दादर रेल्वे स्थानकावर प्लॅटफॉर्म उपलब्ध आहे का हे पाहणे गरजेचे आहे. तसेच, वेळापत्रक तयार करणं, तांत्रिक अडचणी आणि उपनगरिय रेल्वे सेवांवर होणारा परिणाम लक्षात घेऊनच पुढील निर्णय घेतला जाईल. ही प्रक्रिया पूर्ण करण्यासाठी कोणतीही अंतिम मुदत निश्चित नसल्याचीही माहिती त्यांनी यावेळी दिली.

Mumbai News: मुंबईकरांसाठी महत्त्वाची बातमी! 13-14 एप्रिल शहरातील अनेक मार्गांवर वाहतूक बदल; आंबेडकर जयंतीनिमित्ताने निर्देश

यापूर्वी मध्य रेल्वेने दिवा-रत्नागिरी पॅसेंजर सुरू करण्यामागे तांत्रिक अडचणींचे कारण दिले होते. दादरहून रत्नागिरीला जाणाऱ्या ट्रेनला दिव्याजवळ उपनगरिय रेल्वे ट्रॅक ओलांडावे लागते. यावेळी सहा ते आठ लोकल सेवांवर परिणाम होतो. त्यामुळे रेल्वेचं वेळापत्रक कोलमडतं. यामुळेच ही सेवा कायमस्वरूपी दिव्यावरून सुरू करण्याचा निर्णय घेण्यात आला होता.

गेल्या माहिन्यात दादरवरून गोरखपूर साठी नियमित रेल्वेसेवा सुरू करण्याच्या निर्णयावर शिक्कामोर्तब करण्यात आलं. यानंतर कोकणवासियांमध्ये संतापाची लाट उसळली असून त्यांनी केंद्र सरकारकडे दादर-रत्नागिरी पुन्हा सुरू करण्याची मागणी केली. दादर रेल्वे स्थानकावरून पश्चिम आणि मध्य रेल्वे या दोन्ही प्रवाशांना सहजपणे कोकणात प्रवास करणं शक्य व्हायचा. परंतु, दिवा रेल्वे स्थानक ठाण्याच्याही पुढे असून मुंबईतील प्रवाशांना तिथे पोहचणे अवघड होते. त्यांच्या या मागणीची दखल घेऊन दादर-रत्नागिरी पॅसेंजर पूर्ववत होऊ शकते का याचा अभ्यास करण्याचे आदेश दिले आहेत.