नाशिक शहरातील देवळाली कॅम्प पोलिसांत एक आणि मुंबई नाका पोलिस ठाण्यात आठ, असे या प्रकरणांचे नऊ गुन्हे नोंद आहेत. त्यामध्ये आठ महिला व एक पुरुष फिर्यादी आहे. त्यानुसार संशयित दानिश शेख, आसिफ अन्सारी, शफी शेख, रझा मेमन, तौसिफ अत्तार, शाहरुख कुरेशी हे नाशिकरोड कारागृहात आहेत, तर संशयित निदा खान पसार आहे. संशयित निदा हिनेच कंपनीतील इतर धर्मांतील तरुणींसोबत ओळख प्रस्थापित करून संशयितांना त्यांच्यापर्यंत पोहोचवल्याचा एसआयटीला संशय आहे. तिच्यासमवेत आणखी एक तरुणी या गटात होती. मात्र, संशयितांचा अतिरेक वाढल्याने तिने काढता पाय घेत नाशिकहून इतर शहरात बदली केली.

Chhagan Bhujbal: प्रयत्न केले तरच मुख्यमंत्रिपद शक्य; सुनेत्रा पवारांबाबत भुजबळांचे सूचक विधान
संशयित महिलेने काही तरुणींना विशिष्ट धर्माचा पेहराव चांगला दिसेल, असे म्हणत ‘धर्मसंस्कृती’ लादण्याचा प्रयत्न केला. संशयितांच्या पापाचा घडा भरल्याचा संशय येताच संशयित महिलेनेही बदली करून घेतली. गुन्हे नोंद झाल्यापासून नाशिकसह बदलीच्या ठिकाणाहून निदा पसार असून, पोलिस तिचा शोध घेत आहेत. तिच्या अटकेनंतर या संपूर्ण प्रकरणाची व्याप्ती अधिक स्पष्ट होणार आहे.

सर्व संशयित निलंबित
‘छळाच्या आणि बळजबरीच्या कोणत्याही प्रकाराबाबत कंपनीचे दीर्घकाळापासून शून्य सहिष्णूतेचे धोरण आहे. आमच्या कर्मचाऱ्यांच्या कामाच्या ठिकाणी नेहमीच उच्च दर्जाची सुरक्षितता आणि त्यांचे कल्याण सुनिश्चित केले आहे.

नाशिकमधील प्रकरणाची माहिती मिळताच आम्ही तातडीने कारवाई केली. ज्या कर्मचाऱ्यांची चौकशी सुरू आहे, त्यांना चौकशी प्रलंबित असेपर्यंत निलंबित केले आहे. या प्रकरणाचा तपास करणाऱ्या यंत्रणांना सहकार्य करीत आहोत. या तपासाच्या निष्कर्षांवर आधारित पुढील कारवाई केली जाईल’, असे संबंधित कंपनीच्या प्रवक्त्यांनी लेखी पत्राद्वारे स्पष्ट केले.

Nashik Crime: तोंड झाकून महिला घरी आली, उकळतं तेल 20 वर्षीय तरुणीच्या अंगावर फेकलं; स्कार्फ काढताच सर्वांनाच धक्का
‘एजीएम’ आज न्यायालयात
एका गुन्ह्यात कंपनीतील असिस्टंट जनरल मॅनेजर (एजीएम) संशयित अश्निनी चैनानी हिला न्यायालयाने १३ एप्रिलपर्यंत पोलिस कोठडी दिली होती. त्यानुसार पोलिसांनी तिची कसून चौकशी केली असून, आज सोमवारी (दि.१३) तिला न्यायालयात हजर केले जाईल. तिने पीडितांच्या तक्रारींकडे दुर्लक्ष करण्यासह त्यांना जाणीवपूर्वक ‘वर्कलोड’ दिल्याचे तपासात स्पष्ट झाले आहे. इतर संशयितांची पुढील गुन्ह्यांत एसआयटी पोलिस कोठडी मागण्याची शक्यता आहे