कसा घडला अपघात?
शंतनू जयंत बुऱ्हाडे (वय २४, रा. जेलरोड) असे मृत तरुणाचे नाव आहे. कारमधील त्याचे दोन मित्र गंभीर जखमी झाले असून, शंतनू हा बुऱ्हाडे कुटुंबातील एकुलता मुलगा होता. त्याच्या कुटुंबीयांच्या आक्रोशामुळे जेलरोड परिसर सुन्न झाला होता. नाशिक तालुका पोलिस ठाण्यात या प्रकरणात अपघातासह अकस्मात मृत्यूची नोंद करण्यात आली आहे. शनिवारी दुपारी चारच्या सुमारास शंतनू मित्रांसमवेत कार (एमएच ४६, झेड ००६७)मधून पर्यटनासाठी गंगापूर धरण परिसरात गेला होता. रात्री साडेआठच्या सुमारास गिरणारे परिसरातून नाशिककडे परतत असताना गोदावरी नदी पुलाजवळ त्याचे नियंत्रण सुटल्याने कार थेट रस्त्यावरील झाडावर आदळली.

Ravindra Erande : हस्तरेषा तज्ज्ञ असल्याची बतावणी, इगतपुरीच्या लॉजवर महिलांशी शरीरसंबंध, एरंडेचे 121 व्हिडिओ समोर
डोक्याला गंभीर दुखापत
या अपघातात कारचा चक्काचूर झाला होऊन शंतनूच्या डोक्याला गंभीर दुखापत झाली होती. प्रत्यक्षदर्शी व पोलिसांनी जखमींना जिल्हा शासकीय रुग्णालयात दाखल केले. रात्री उशिरा वैद्यकीय अधिकाऱ्यांनी शंतनू याला तपासून मृत घोषित केले.
Ashok Kharat Case: CDR कुणी लीक केला, याबाबत चौकशी करु! दमानिया यांच्या दाव्याबाबत मुख्यमंत्री फडणवीसांचं वक्तव्य
शंतनू याचे वडील इंडिया सिक्युरिटी प्रेसमध्ये कार्यरत असून, त्याची बहीण पुण्यात वास्तव्यास आहे. चार महिन्यांपूर्वी अमेरिकेतून परतलेला शंतनू गोव्यातील हॉटेलात चांगल्या पगाराची नोकरी करीत होता. मात्र, काही दिवसांपूर्वीच तो नाशिकमध्ये कुटुंबीयांसोबत राहण्यास आला होता. या अपघातप्रकरणी नाशिक तालुका पोलिस पुढील तपास करीत आहेत.