काय घडलं नेमकं?
सुंदर गंगावणे (३३) हे मुलगी अनन्या (१२) आणि मुलगा सोहम (८) यांना घेऊन रविवारी जेजुरीला गेले होते. खंडोबाचं दर्शन करून तिघेही रात्री उशिरा पुण्याकडे परतत होते. सव्वा बारा दरम्यान घाटातील रस्ता शांत होता, वाहतूकही कमी होती, पण देवाची उरुळी परिसरात अचानक भरधाव वेगात येणाऱ्या ट्रकने त्यांच्या दुचाकीला जोरदार धडक दिली. धडक एवढी भीषण होती की अनन्या थेट ट्रकच्या चाकाखाली सापडली अन् तिचा जागीच मृत्यू झाला. क्षणात आनंदाचं दुःखात रूपांतर झालं. सुंदर गंगावणे रस्त्यावर फेकले गेले होते. त्यांच्या डोक्याला गंभीर मार लागला होता.

Pune News: ड्युटीवर जायला निघाले, पण अर्ध्या वाटेतून माघारी; कुटुंब अनभिज्ञ, CRPF जवानाचा संशयास्पद शेवट
अपघात होताच आसपासचे लोक धावत आले. अॅम्ब्युलन्सला फोन केला, तर काही जणांनी त्यांना उचलून मदत केली. त्यांना तातडीने ससून रुग्णालयात नेण्यात आलं. मात्र डॉक्टरांचे प्रयत्न अपुरे पडले, उपचार सुरू असतानाच सुंदर गंगावणे यांचाही मृत्यू झाला. एका रात्रीत बाप-लेकीचा जीव गेल्याने कुटुंबावर दुःखाचा डोंगर कोसळला आहे. या अपघातात ८ वर्षांचा सोहम जखमी झाला आहे. त्याच्यावर सध्या उपचार सुरू आहेत.

CA, बिल्डरांची भोंदूबाबा अशोक खरातला साथ; Ravindra Dhangekar यांनी घेतली मोठी नावं, मालमत्तेच्या चौकशीची मागणी
या प्रकरणी फुरसुंगी पोलीस ठाण्यात गुन्हा दाखल करण्यात आला आहे. ट्रकचालक हनुमंत मलकापूरे याला पोलिसांनी अटक केली असून पुढील तपास सुरू आहे. दिवे घाटात असे अपघात वारंवार घडत असल्याने पुन्हा एकदा वेग आणि निष्काळजीपणाचा मुद्दा समोर आला आहे. किती जीव गेल्यावर लोक सावध होणार, असा प्रश्न आता नागरिक विचारू लागले आहेत.