अतुल सावेंची फिल्डिंग

या निवडणुकीत भाजप आणि शिवसेनेच्या नेत्यांमध्ये अध्यक्षपदावरून मोठी चढाओढ सुरू होती. दोन्ही बाजूंनी कुरघोडीचे प्रयत्न सुरू असतानाच, कॅबिनेट मंत्री अतुल सावे यांनी निवडीच्या आदल्या रात्रीपासूनच विजयाची गणिते जुळवायला सुरुवात केली होती. सावे यांनी मध्यरात्रीपासून लावलेली ‘फिल्डिंग’ भाजपसाठी गेमचेंजर ठरली. काँग्रेसचा एक सदस्य आधीच भाजपच्या गोटात होता, तर राष्ट्रवादी काँग्रेस (अजित पवार गट) आणि प्रहार जनशक्ती पक्षाच्या मदतीने भाजपने बहुमताचा जादूई आकडा यशस्वीपणे गाठला.

दोन्ही शिवसेनांचा काढता पाय

दुसरीकडे, विखुरलेल्या दोन्ही शिवसेना एकत्र येऊन भाजपला सत्तेपासून दूर ठेवण्याच्या हालचाली करत होत्या. युतीच्या चर्चेत ‘५०-५०’ चा फॉर्म्युला ठरला असल्याची चर्चा होती, मात्र ऐनवेळी संख्याबळ जुळत नसल्याचे लक्षात येताच दोन्ही गटांनी निवडणुकीवर बहिष्कार टाकून सभागृहातून काढता पाय घेतला. यामुळे भाजपचा मार्ग मोकळा झाला आणि अपर जिल्हाधिकारी संभाजीराव अडकुणे यांनी भाजप उमेदवारांच्या बिनविरोध निवडीची अधिकृत घोषणा केली.

Sangli News : सांगली झेडपीमध्ये 34 मतांनी गेम फिरला, महाविकास आघाडीचा झेंडा फडकला, अध्यक्ष-उपाध्यक्ष दोन्ही पदांवर कब्जा

गुलालाची उधळण करत मोठा जल्लोष

या विजयावेळी आमदार अनुराधाताई चव्हाण, प्रशांत बंब, सतीश चव्हाण यांच्यासह भाजपचे अनेक दिग्गज नेते उपस्थित होते. जिल्हा परिषद परिसरात कार्यकर्त्यांनी गुलालाची उधळण करत मोठा जल्लोष केला. या विजयामुळे जिल्ह्याच्या ग्रामीण राजकारणात भाजपची पकड अधिक मजबूत झाल्याचे मानले जात आहे. या सर्व घडामोडीचे पुढील परिणाम जिल्ह्याच्या राजकारणावर पडणार आहेत.