नेमकी घटना काय?

मिळालेल्या माहितीनुसार, शरद कोल्हे हे आपल्या शेतात हरभऱ्याचे पीक काढण्याचे काम करत होते. मळणी यंत्राद्वारे प्रक्रिया सुरू असताना अचानक त्यांचा हात मशीनमध्ये अडकला. काही क्षणांतच ही दुर्घटना भीषण स्वरूपात परिवर्तित झाली आणि संपूर्ण शरीर यंत्रात ओढले गेले. या अपघातात त्यांचा जागीच मृत्यू झाला. यावेळी त्यांच्या परिवाराने आरडाओरड केली. हे ऐकून परिसरातील शेतकऱ्यांनी व मळणी यंत्र चालकांनी तात्काळ त्यांना बाहेर काढण्याचा प्रयत्न केला. मात्र, तोपर्यंत फार उशीर झाला होता, सदर घटनेची माहिती तात्काळ पोलिसांना देण्यात आली.
Pune Accident : पुण्यात भीषण अपघात; भरधाव वाहनाचा टायर फुटला अन् नियंत्रण सुटलं, ट्रकला जोरदार धडक, तिघांचा जागीच मृत्यू

लेकरांचं पितृछत्र हरपलं

घटनेची माहिती मिळताच, या हृदयद्रावक प्रसंगामुळे गावात शोककळा पसरली असून सर्वत्र हळहळ व्यक्त केली जात आहे. शरद कोल्हे हे कुटुंबातील कर्ते व्यक्ती होते. त्यांच्या पश्चात आई-वडील, भाऊ, पत्नी आणि दोन लहान मुले असा परिवार आहे. विशेष म्हणजे त्यांच्या एका मुलाचे वय अवघे तीन महिने असून मोठा मुलगा पाच वर्षांचा आहे. या घटनेची नोंद मोजपुरी पोलीस ठाण्यात करण्यात आली आहे. पोलिसांनी घटनास्थळी पंचनामा करून पुढील तपास सुरू केला आहे. मृतदेहाचं जिल्हा सामान्य रुग्णालयात शवविच्छेदन करण्यात आलं.
Condom Price Surge : आखाती युद्धाचा छ. संभाजीनगरच्या कंडोम उत्पादनाला फटका, केमिकल महागल्याने किमती वाढण्याची चिन्हंया दुर्दैवी घटनेमुळे शेतकऱ्यांच्या सुरक्षिततेचा प्रश्न पुन्हा ऐरणीवर आला आहे. शेतीकाम करताना आधुनिक यंत्रसामग्रीचा वापर करताना योग्य काळजी घेणे किती महत्त्वाचे आहे, हे या घटनेतून स्पष्ट झालं आहे. सदर घटनेचा पोलिसांनी पंचनामा केला असून मौजपुरी पोलीस ठाण्यामध्ये सदर घटनेची नोंद करण्यात आली असून पुढील तपास पोलीस करत आहे. मात्र, झालेल्या या घटनेमुळे या तरुण शेतकऱ्याचा संपूर्ण परिवार उघड्यावर पडला असून कारण हा शेतकरी एक कर्ता पुरुष होता. घरातला कर्ता पुरषच गमावल्याने या परिवारावर आता उपासमारीची वेळ आली आहे.