नेमकं प्रकरण काय?

मिळालेल्या माहितीनुसार, नागेश संजय जाधव (वय 23, रा. वडारवाडी, शिवाजीनगर) हा तरुण शनिवारी (14 मार्च) सायंकाळी आपल्या मैत्रीणीला भेटण्यासाठी कोथरूडमधील मेगासिटी परिसरात गेला होता. दोघांमध्ये मैत्री असल्यामुळे ते फोनवर बोलत असत. मात्र मुलीला वारंवार का भेटतो, या कारणावरून मुलीच्या कुटुंबीयांना संताप आला. सायंकाळी सुमारे आठच्या सुमारास नागेशला इमारतीच्या टेरेसवर नेण्यात आले. तेथे काही महिला व पुरुषांनी मिळून त्याला लाकडी दांडक्यांनी तसेच लाथाबुक्क्यांनी बेदम मारहाण केल्याचा आरोप आहे. गंभीर जखमी अवस्थेत नागेश खाली पडलेला असताना त्याच्या कुटुंबीयांना फोन करून “तुमचा मुलगा मेगासिटी येथे आहे, दहा मिनिटांत येऊन घेऊन जा, नाहीतर खाली फेकून देऊ,” अशी धमकी देण्यात आली होती.

Pune Crime : ‘आम्ही त्याला मारलं आहे’; अल्पवयीन मुलीशी मैत्रीचा राग, तरुणाला मारहाण करताना मृत्यू, आईला व्हिडिओ कॉलवर भयावह दृश्य दाखवलं

ससून रुग्णालयात तरुणाचा मृत्यू..

घाबरलेल्या कुटुंबीयांनी तातडीने घटनास्थळी धाव घेतली. नागेशला तातडीने रुग्णालयात नेण्यात आले. मात्र उपचार सुरू असताना ससून रुग्णालयात डॉक्टरांनी त्याला मृत घोषित केले. या प्रकरणी नागेशची आई सुरेखा जाधव यांच्या फिर्यादीवरून दहा जणांवर गुन्हा दाखल करण्यात आला आहे.

६ आरोपी पोलिसांच्या ताब्यात

पोलिस उपायुक्त मिलिंद मोहिते यांनी दिलेल्या माहितीनुसार, “या प्रकरणात आतापर्यंत सहा आरोपींना अटक करण्यात आली असून त्यामध्ये पाच महिला व एका पुरुषाचा समावेश आहे. उर्वरित चार आरोपींचा शोध सुरू आहे.

Dhanashree Jagtap Case : धनश्री जगताप मृत्यू प्रकरणात पोलिसांवर आरोप; 10 दिवस उलटूनही सासू-सासरे फरार

पोस्टमार्टम अहवालानंतर अधिक माहिती स्पष्ट होईल,” असे त्यांनी सांगितले. कोथरूड पोलिस या प्रकरणाचा पुढील तपास करत आहेत.