स्नेहल निमगिरे, पुणे : किल्ले सिंहगडावर पर्यटकांवर मधमाशांच्या मोहळाने हल्ला केल्याची घटना समोर आली आहे. या हल्ल्यात काही पर्यटकांना मधमाशांनी चावल्याने जखमी झाले असून त्यांना तात्काळ उपचारासाठी रुग्णालयात हलवण्यात आले आहे. मिळालेल्या प्राथमिक माहितीनुसार, घटनेची माहिती मिळताच आपत्ती व्यवस्थापनाची टीम घटनास्थळी रवाना झाली आहे. जखमी पर्यटकांना ज्या गाड्या उपलब्ध झाल्या त्यातून तातडीने खाली दवाखान्यात पाठवण्यात येत आहे. आतापर्यंत सुमारे 7 ते 8 जणांना उपचारासाठी रुग्णालयात हलवण्यात आले असून काहींना खासगी वाहनांमधून तर काहींना आपत्ती व्यवस्थापन पथकाच्या मदतीने खाली आणण्यात आले. बचाव पथकाकडून आणखी काही पर्यटकांना रेस्क्यू करून सरकारी रुग्णालयात दाखल करण्याची प्रक्रिया सुरू आहे.सिंहगड घाटात टेम्पो 150 फूट दरीत कोसळला; पाच जण बचावले, तिघे किरकोळ जखमी
दरम्यान, ऋषिकेश सोनार यांच्या दीड वर्षांच्या बाळालाही मधमाशांनी चावल्याची माहिती समोर आली आहे. ऋषिकेश नरेंद्र सोनार, निधी ऋषिकेश सोनार, कविता प्रसाद सोनार आणि अंश प्रसाद सोनार यांनाही मधमाशांनी चावले होते. मात्र सर्वांना सुरक्षितपणे दवाखान्यात पोहोचवण्यात आल्याची माहिती मिळाली आहे.
या घटनेमुळे किल्ले सिंहगड परिसरात काही काळ गोंधळाचे वातावरण निर्माण झाले असून प्रशासनाकडून पर्यटकांना सावध राहण्याचे आवाहन करण्यात आले आहे.
Dombivli News : डोंबिवलीच्या लेझीमला जागतिक दाद; 9,111 महिलांचा विश्वविक्रम, नारीशक्तीचा महिलादिनी इतिहास, गिनीजमध्ये नोंद
सिंहगड घाटात टेम्पो 150 फूट दरीत कोसळला; पाच जण बचावले, तिघे किरकोळ जखमी
स्नेहल निमगिरे, पुणे : सिंहगड किल्ल्याकडे जाणाऱ्या घाट रस्त्यावर मालवाहू टेम्पो खोल दरीत कोसळल्याची घटना घडली. कोंढणपूर मार्गे सिंहगड–डोणजे रस्त्यावर काल सायंकाळी हा अपघात झाला. सुदैवाने या घटनेत कोणतीही जीवितहानी झाली नसून टेम्पोमधील पाचही जणांचा बचाव झाला आहे.
मिळालेल्या माहितीनुसार, लाकूड वाहतूक करणारा टेम्पो घाटातील अवघड वळणावरून जात असताना चालकाचा वाहनावरील ताबा सुटला. त्यामुळे रस्त्याच्या कडेला असलेली लोखंडी सुरक्षा जाळी तोडत टेम्पो सुमारे 100 ते 150 फूट खोल दरीत कोसळला. अपघातावेळी टेम्पोमध्ये एकूण पाच जण होते. प्रसंगावधान राखत काही जणांनी वेळीच उडी मारल्याने मोठा अनर्थ टळला. या अपघातात तिघांना किरकोळ दुखापत झाली असून दोघे जण सुखरूप बचावले आहेत. जखमींना तातडीने उपचारासाठी जवळील खासगी रुग्णालयात दाखल करण्यात आले आहे.
Satara News: मुलीच्या लग्नाची स्वप्नं उरी, पण नियतीचा क्रूर खेळ; निर्माल्य टाकताना कृष्णा नदीत बुडून आईचा मृत्यू
घटनेची माहिती मिळताच सिंहगड वनविभागाचे परिमंडळ अधिकारी समाधान पाटील यांनी वनविभागाच्या कर्मचाऱ्यांसह तातडीने घटनास्थळी धाव घेतली. दरीत अडकलेल्या जखमींना बाहेर काढून रुग्णवाहिकेद्वारे रुग्णालयात पाठविण्यात आले.
या मदतकार्यात वनरक्षक बळीराम वायकर, वनसंरक्षण समितीचे सुरक्षारक्षक, हवेली पोलीस ठाण्याचे सहाय्यक पोलीस फौजदार संतोष तोडकर तसेच स्थानिक पोलीस पाटील निलेश चव्हाण, गणेश सपकाळ, कालिदास माताळे, गणेश आखाडे, संदीप कांबळे आणि गोटीराम बडे यांनी सहभाग घेतला.
लेखकाबद्दलसुनिल लाटेसुनिल प्रभाकर लाटे, हे एक पत्रकार आहेत. त्यांनी डॉ. बाबासाहेब आंबेडकर मराठवाडा विद्यापीठ येथून बी.ए व एम.ए. पत्रकारितेचं पदव्यूत्तर शिक्षण पूर्ण केलं आहे. कॉलेज जीवनातच ‘दैनिक दिव्य मराठी’मध्ये पत्रकारितेचं प्रत्यक्ष प्रशिक्षण घेतलं आहे. दोन वर्षे ‘लोकसत्ता डॉट कॉम’साठी ‘फोटोगॅलरी व वेबस्टोरी’ या विभागात काम केलं आहे. ते ६ ऑक्टोबर २०२५ पासून ‘महाराष्ट्र टाईम्स’ ऑनलाईनमध्ये कार्यरत आहेत. राजकारण, मनोरंजन, क्रीडा या विषयांच्या लिखाणात आवड आहे. याशिवाय काव्य लेखन, गीत लेखन आणि सादरीकरणातही स्वारस्य आहे. फोटोग्राफी, फोटो, व्हिडिओ संपादनातही खास रस आहे… आणखी वाचा