व्हिडिओद्वारे ब्लॅकमेलिंगचा आरोप

दरम्यान, 22 वर्षीय तरुणीने दाखल केलेल्या गुन्ह्यातही गंभीर आरोप करण्यात आले आहेत. शाळेत नोकरी लावून देण्याचं आमिष दाखवत ओळख वाढवली. त्यानंतर अहिल्यानगर शहरातील विविध ठिकाणी तसेच पुणे जिल्ह्यातील शिरूर येथील एका लॉजवर नेऊन वारंवार अत्याचार केल्याचं फिर्यादीत नमूद आहे. आक्षेपार्ह व्हिडिओ तयार करून ब्लॅकमेलिंग केल्याचाही आरोप करण्यात आला आहे. या प्रकरणाशी संबंधित काही व्हिडिओ सोशल मीडियावर व्हायरल झाल्याची चर्चा सुरू असून त्यामुळे प्रकरण अधिकच तापले आहे. या घडामोडींमुळे राजकीय वर्तुळात आरोप-प्रत्यारोपांना सुरुवात झाली आहे.
Nagpur Crime : आई-वडिलांचं सतत भांडण, एकुलत्या एक लेकीच्या मनावर खोलवर परिणाम; नैराश्यात चिमुकलीचं टोकाचं पाऊल

तक्रार दिल्यास ठार मारण्याची धमकी

तरुणीने या प्रकाराला विरोध करत गाडीतून उतरल्यावर कळमकर यांनी शिवीगाळ करत ‘ही बाब कुठे सांगितली तर जिवंत सोडणार नाही’, अशी धमकी दिल्याचा आरोप आहे. राजकीय प्रभावामुळे भीती वाटत असल्याने आजपर्यंत तिने हा प्रकार कोणालाही सांगितला नव्हता. मात्र, अन्य महिलेसोबतही अशाच प्रकाराची माहिती मिळाल्यानंतर तिने धाडस करून तक्रार दाखल केली. तक्रार दाखल केल्यानंतर पोलिसांनी कसून तपास सुरु केला आहे.
Sunetra Pawar Baramati By Election : अजित पवारांची बारामती सुनेत्रा पवारांच्याच हाती, पोटनिवडणुकीसाठी उमेदवार फिक्स; बैठकीत मोठा निर्णय

आरोपी फरार; पोलिसांची दोन पथके रवाना

सदर गुन्हा एमआयडीसी पोलीस ठाण्यात दाखल झाला होता. पुढील तपासासाठी तो तोफखाना पोलीस ठाण्याकडे वर्ग करण्यात आला आहे. गुन्हा दाखल होताच कळमकर फरार झाले असून त्यांना पकडण्यासाठी पोलिसांनी विशेष दोन पथके स्थापन केली आहेत. ही पथके आरोपीचा शोध घेण्यासाठी रवाना झाली आहेत.