भारतात अवैधरित्या घुसलेल्या आणि शहरात ओळख बदलून राहणाऱ्या बांगलादेशी नागरिकांची शोधमोहीम मुंबई पोलिसांनी आधीपासूनच सुरू केली होती. अभिनेता सैफ अली खान याच्या घरात घुसून हल्ला करणारा शरीफुल हा बांगलादेशी असल्याचे उघडकीस आले.

Ajit Pawar: अजित पवारांच्या निधनादिवशीच मंत्रालयात सह्यांचा सपाटा? खळबळजनक माहिती समोर, अनेक फाईल्स…
बांगलादेशात निर्माण झालेल्या अस्थिर परिस्थितीनंतर मुंबई पोलिसांनी ही मोहीम अधिक तीव्र करण्यात आली. पोलिस आयुक्त देवेन भारती यांनी पदभार स्वीकारताच विदेशी व त्यातही पाकिस्तानी आणि बांगलादेशी नागरिकांविरुद्ध विशेष धोरण अवलंबले आहे. घुसखोरांना शोधून थेट पाठवणी करण्याचे आदेश पोलिसांना देण्यात आले आहेत. मुंबईतील पोलिस ठाणी, गुन्हे शाखेची सर्व युनिट आणि विशेष शाखा यांमध्ये कार्यरत पोलिसांनी या मोहिमेत स्वतःला झोकून दिले आहे.

सन २०२५मध्ये एक हजार २००हून अधिक बांगलादेशी घुसखोरांवर कारवाई करण्यात आली होती. यामध्ये महिलांची संख्या लक्षणीय होती. या सर्व नागरिकांची माहिती विशेष शाखेला देण्यात आली. या शाखेच्या अधिकाऱ्यांनी बांगलादेशमधील त्यांच्या परिचयातील व्यक्ती, नातेवाइकांची माहिती काढली. त्यांची ओळख पटल्यांतर एक हजारपेक्षा जास्त बांगलादेशींची मुंबईतून परतपाठवणी करण्यात आली.

Harshwardhan Sapkal: देवेंद्र फडणवीसांना महाराष्ट्रात दंगली घडवायच्या आहेत; पुण्यातील राड्यानंतर हर्षवर्धन सपकाळांचा हल्लाबोल
भारतीय ओळख देणारे लक्ष्य
बेकायदा घुसखोरी करून राहणाऱ्या बांगलादेशी नागरिकांना भारतीय ओळख देण्यासाठी बोगस कागदपत्रांवर आधारकार्ड, रेशन कार्ड देणारेही पोलिसांच्या रडारवर आहेत. दिंडोशी पोलिसांनी गेल्या आठवड्यात वसई येथून एका तरुणाला अटक करून त्याच्याकडून सुमारे ३५० बनावट रेशनकार्ड, तसेच इतर कागदपत्र जप्त केली होती. पकडण्यात आलेल्या बांगलादेशींकडून त्यांच्याकडे असलेल्या बनावट भारतीय ओळखपत्रांबाबत माहिती घेऊन ही कागदपत्रे पुरवणाऱ्यांचा शोध घेण्यात येत असल्याचे पोलिसांनी सांगितले.

Gautami Patil : ‘अजित दादांनी नकळत का होईना मला सपोर्ट केला’, गौतमी पाटील नेमकं काय म्हणाली?
भाडेकरूची माहिती देणे बंधनकारक
मुंबईमध्ये घर भाड्याने दिले असल्यास त्याबाबतची माहिती पोलिसांना देणे बंधनकारक आहे. याआधी संबंधित पोलिस ठाण्यात जाऊन माहिती द्यावी लागे. मात्र पोलिसांनी ही सुविधा आता ऑनलाइन उपलब्ध केली आहे. मुंबई पोलिसांच्या संकेतस्थळावर जाऊन घरमालकाचे नाव, पत्ता, ओळखपत्र, भाडेकरूचे नाव, पत्ता, ओळखपत्र, भाड्याने घर दिल्याचा कालावधी हा तपशील भरावा लागतो. अशी माहिती न देणाऱ्या घरमालकांवर मुंबई पोलिसांच्या वतीने गुन्हे दाखल करण्यात येत आहेत