मुंबई महानगर प्रदेश विकास प्राधिकरणाचे अतिरिक्त आयुक्त अश्विन मुगदल यांनी ही महत्त्वपूर्ण माहिती दिली आहे. त्यांनी आज दुर्घटनास्थळी भेट दिली, त्यावेळी ते पत्रकारांशी बोलले.

दुर्घटनेची सखोल चौकशी केली जाणार

मुगदलांनी सांगितले की, “याप्रकरणी कोणालाही सोडले जाणार नाही, प्रकरणाची संपूर्ण चौकशी केली जाईल, ही चौकशी पूर्णपणे निष्पक्ष आणि पारदर्शक पद्धतीने होईल. सर्व तक्रारींवर कारवाई सुरु करण्यात आली आहे”, असंही त्यांनी यावेळी सांगितलं आहे. “एमएमआरडीएकडून या दुर्घटनेची सखोल चौकशी केली जाणार असून संबंधितांवर पुढे कारवाई केली जाईल”, असं त्यांनी यावेळी स्पष्ट केलं आहे.

Sanjay Kenekar : भाजप आमदार संजय केनेकर यांच्या ऑफिसमध्ये एअर गन ठेवणाऱ्याच्या मुसक्या आवळल्या

मुख्यमंत्र्यांचेही चौकशीचे आदेश

दरम्यान, दुर्घटना घडल्यानंतर मुख्यमंत्री देवेंद्र फडणवीसांनी संबंधित प्रकरणाच्या चौकशीचेही आदेश दिले आहेत. तसेच या दुर्घटनेतील मृतांच्या वारसांना 5 लाख रुपयांची मदत दिली जाईल आणि जे जखमी आहेत त्यांच्यावरील उपचारांचा खर्च हा सरकारच्या माध्यमातून केला जाईल,असं स्पष्ट केलं आहे. याबद्दल त्यांनी माध्यमांशीही संवाद साधला आहे आणि त्यांच्या सोशल मीडिया प्लॅटफॉर्म्सवरही याबद्दलची माहिती दिली आहे.

असं असलं तरी याप्रकारच्या घटना घडतात तरी कशा, आणि काम सुरु असताना नागरिकांच्या सुरक्षेचा विचार का केला जात नाही अशा प्रकारचा सूर नागरिकांमधून येतो आहे.