रोहित पवारांनीही केलेला व्हीएसआरच्या विमानाने प्रवास

आमदार रोहित पवार यांनी काही कालावधीपूर्वी व्हीएसआर कंपनीच्या चार्टर्ड विमानाने प्रवास केला होता. व्हीएसआर कंपनीच्या कारभाराविषयी आणि अजित पवार यांचा घातपात झाल्याची शंका उपस्थित करत असतानाच ही माहिती समोर आली आहे. प्रसिद्ध क्रिकेटपटू रोहित शर्मा याच्यासह रोहित पवार यांनी चार्टर विमान प्रवास केला होता.

रोहित शर्मासह मुंबई-बारामती विमान प्रवास

मुंबई ते बारामती दरम्यानच व्हीएसआर कंपनीची चार्टर विमान सेवा रोहित पवार यांनी वापरल्याची माहिती समोर आली आहे. टीम इंडियाच्या माजी कर्णधारासह रोहित पवार बारामतीत एका कार्यक्रमाला आले होते. कंपनीच्या कारभाराविषयी रोहित पवार आता नवनवीन शंका उपस्थित करत असतात ही माहिती उघड झाली आहे.

रोहित शर्माचा बारामती-राशिन दौरा

रोहित शर्माने ऑक्टोबर २०२४ मध्ये अहमदनगर जिल्ह्यातील राशीन (कर्जत-जामखेड) येथे क्रिकेट अकादमीच्या उद्घाटनासाठी हजेरी लावली होती. रोहित पवार यांच्या पुढाकाराने हा दौरा झाला होता. त्यावेळी रोहित शर्माने मराठीत भाषण करत चाहत्यांची मनं जिंकली होती. ‘माझं मराठी चांगलं नाही’ म्हणत सुरुवात रोहित शर्माने भाषणाला सुरुवात केली, पण पुढचा बुमराह-जयस्वाल नगरमधूनच येईल अशी आशा व्यक्त करत ‘बोलंदाजी’ने उपस्थितांना भारावून टाकलं. हिटमॅनने जागतिक विजेतेपद आणि ग्रामीण भागातील क्रीडा सुविधांच्या महत्त्वावरही भाष्य केलं होतं.