रुग्णालय प्रशासनाला घटनेची माहिती मिळताच त्यांनी तातडीने पोलिसांना कळविले. त्यानुसार म्हसावद पोलिसांनी रुग्णालयात धाव घेऊन पीडितेचा जबाब नोंदविला. त्यानंतर म्हसावद पोलिस ठाण्यात अधिकृत फिर्याद दाखल करण्यात आली आहे. घटनेमुळे परिसरात संतापाची लाट उसळली असून नातेसंबंधांना काळिमा फासणारी ही घटना असल्याची प्रतिक्रिया नागरिकांकडून व्यक्त होत आहे. दरम्यान घरातील सर्व सदस्य शेतात कामासाठी गेलेले होते. त्यामुळे घरामध्ये पीडित अल्पवयीन युवती आणि तिचा भाऊ हे दोघे होते.
Ladki Bahin Yojana: लाडकी बहीण योजनेत 710 पुरुषांचे अर्ज; एका चुकीने बिंग फुटलं, नंदुरबार जिल्ह्यातील प्रकार
जीवे ठार मारण्याची धमकी देत भावानेच आपल्या १७ वर्षीय बहिणीवर अत्याचार केला. त्यानंतर देखील त्याने वेळोवेळी सदर युवतीवर अत्याचार केला. ही घटना जुन २०२५ मध्ये घडली होती. या प्रकरणी संशयित आरोपी सख्ख्या भावाविरुद्ध भारतीय न्याय संहितेच्या कलम ६४, ६४ (२) (एफ) (एम), ३५१ (२) (३) तसेच बालकांचे लैंगिक अपराधांपासून संरक्षण (POCSO) कायद्यांतर्गत कलम ४, ५ (जे) (२), ५ (एल), ५ (एन), ६, ८ व १२ अन्वये गुन्हा दाखल करण्यात आला आहे. गंभीर स्वरूपाच्या या गुन्ह्यामुळे आरोपीस कठोर शिक्षेची तरतूद आहे.
Nandurbar Crime: नंदुरबारमध्ये बनावट जन्म-मृत्यू प्रमाणपत्र रॅकेटचा पर्दाफाश; पालिका कर्मचाऱ्यासह 5 जण अटकेत
दरम्यान, गुन्हा दाखल होताच संशयित आरोपी फरार झाला आहे. त्याचा शोध घेण्यासाठी म्हसावद पोलिसांनी विशेष पथकाची स्थापना केली असून विविध ठिकाणी शोधमोहीम राबविण्यात येत आहे. पोलिस उपनिरीक्षक जितेंद्र पाटील यांच्या मार्गदर्शनाखाली पुढील तपास सुरू आहे. पीडित अल्पवयीन मुलीला वैद्यकीय व समुपदेशनाची मदत देण्याबाबत प्रशासनाकडून आवश्यक ती पावले उचलली जात असल्याची माहिती पोलिस सूत्रांनी दिली. या घटनेने समाजमन हेलावून गेले असून अल्पवयीन मुलांच्या सुरक्षिततेचा प्रश्न पुन्हा ऐरणीवर आला आहे.