रात्री दहा वाजता गाडी दाखल

छत्रपती शिवाजी महाराज टर्मिनस-मडगाव मांडवी एक्स्प्रेस सीएसएमटीवरून सकाळी ७.१० वाजता सुटणे अपेक्षित होते. परंतु फलाटावर येण्यासाठीच गाडीला उशीर झाला. त्यामुळे पावणे दहा वाजण्याच्या सुमारास गाडी मडगावच्या दिशेने रवाना झाली. गाडीने सीएसएमटी परिसर ओलांडताच मशीद रेल्वे स्थानकात प्रवाशांनी आपत्कालीन साखळी ओढली. त्यामुळे सुमारे १५ मिनिटे गाडी सीएसएमटी ते मशीद दरम्यान खोळंबली. यामुळे एरवी दादर स्थानकात ७.२२ वाजता पोहोचणारी मांडवी एक्स्प्रेस पावणे तीन तास विलंबाने अर्थात सव्वा दहा वाजण्याच्या सुमारास दाखल झाली.Mumbai Coastal Road: देशातील पहिला ‘म्यूझिकल रोड’ मुंबईमध्ये, कोस्टल रोडवरील प्रवास मनोरंजक होणार; महापालिकेचा नवा प्रकल्प पाहा

दादरमध्ये शेकडो प्रवासी या गाडीच्या प्रतीक्षेत होते. परंतु रेल्वेकडून नक्की किती वाजता ही गाडी निघेल याबद्दल कोणतीच उद्घोषणा करण्यात येत नव्हती. दादरमधील फलाटावर चहा-पाण्यासाठी कोणताही स्टॉल नाही, स्वच्छतागृह नाही. तसेच बसायला आसनव्यवस्थाही उपलब्ध नाही. प्रवाशांच्या संतापाचा उद्रेक होईपर्यंत रेल्वे प्रशासन वाट बघत राहणार का, असा प्रश्न मुंबई ग्राहक पंचायतीचे कार्याध्यक्ष, शिरीष देशपांडे यांनी उपस्थित केला.

Vande Metro: लोकल प्रवास वंदे भारत इतका वेगवान! मुंबईत 238 ‘वंदे मेट्रो’ गाड्या, बंद दरवाजे, 12-18 डबे; कधी-किती भाडं?

दादरला गाडी रद्द

मडगाव-सीएसएमटी तेजस एक्स्प्रेस बुधवारी सहा तास विलंबाने धावली. दुपारी ३.३५ ऐवजी ही गाडी रात्री ९.५७ ला रवाना झाली. प्रशासनाने गाडीची वेळ रात्री नऊ वाजताची केली. परंतु त्यानंतरही तासाभराने गाडी मुंबईच्या दिशेने रवाना झाली. परिणामी दादर स्थानकात रात्री ११.३० वाजता पोहोचणारी तेजस दुसऱ्या दिवशी सकाळी १०.१० वाजता पोहोचली. तेजस एक्स्प्रेसमध्ये शयनयान डब्यांची व्यवस्था नसल्याने रात्रभर प्रवाशांना ताटकळत प्रवास करावा लागला. दादर ते सीएसएमटी दरम्यान तेजस एक्स्प्रेस रद्द करण्यात आली आहे. यामुळे सीएसएमटीला जाणाऱ्या प्रवाशांना बॅगासह दादरवरून लोकल पकडून सीएसएमटी गाठावे लागले.