कुठे असतील स्थानकं?

या 29 किमी लांब वर्तुळाकार मार्गासाठी एकूण 12,200.10 कोटींचा खर्च अपेक्षित आहे. ही आठ स्थानकं ठाण्यामधील मानपाडा, डोंगरीपाडा, विजय नगरी, वाघबीळ, वॉटरफ्रंट, पाटीलपाडा, ठाणे जंक्शन आणि नवीन ठाणे असे असतील. या पैकी ठाणे जंक्शन आणि ठाणे आणि न्यू ठाणे ही स्थानकं भूमिगत (Underground Metro Stations) असतील. तसेच उर्वरित सहा स्थानकं उन्नत असतील.Third Mumbai: मुंबईपेक्षा तिप्पट मोठं शहर, अटल सेतू-विमानतळाला जोडणार; ‘तिसऱ्या मुंबई’च्या विकासाबाबत मंत्रीमंडळात महत्त्वाचा निर्णय

या मेट्रोमध्ये दररोज 647,000 प्रवासी संख्या असण्याची शक्यता व्यक्त केली जात आहे. ठाण्यात वाघबीळ, विजय नगरी, डोंगरीपाडा, मानपाडा, गांधीनगर, वागळे इस्टेट (Wagle Estate), कोळशेत, हिरानंदानी इस्टेट अशा सर्वाधिक गर्दीच्या ठिकाणांवरून ही मेट्रो जाणार आहे. या वर्तुळाकार मेट्रोचा ठाणेकरांना मोठा फायदा होणार आहे.

कधी होणार काम पूर्ण?

या मेट्रोचं काम येत्या पावसाळ्यानंतर सुरु होण्याची अपेक्षा आहे. काम सुरू होताच भुयारी स्थानकांचं काम पूर्ण करायला 5 वर्ष तर उन्नत स्थानकांचं काम पूर्ण करण्यासाठी 2.5 वर्षांचा कालावधी लागणार आहे. या भुयारी स्थानकांसाठी 223.70 कोटींचा खर्च होणार असून, उर्वरित स्थानकांसाठी 228.44 कोटी लागणार आहेत. 2029 पर्यंत ही संपूर्ण मेट्रो मार्गिका नागरिकांसाठी सुरु करण्याचं उद्दिष्ट आहे.

या इन्ट्रा सिटी मार्गिकेमुळे ठाणेकरांना मेट्रो स्थानक, रेल्वे आणि बस स्थानकांशी थेट जोडणी मिळणार आहे. मुंबई मेट्रो लाईन 4 (Mumbai Metro 4) आणि मुंबई मेट्रो 4अ जी गायमुख-वडाळा मार्गावर धावणार आहे, त्या मार्गिकेला जोडणार आहे. शिवाय ठाण्यापासून पुढे भिवंडीला जाणाऱ्या मेट्रो लाईन 5 ला जोडणार आहे.