भावाने तक्रार दिली अन्…

अमळनेर शहरातील सुनील श्रावण भोई (वय 34, रा.रुबजी नगर, अमळनेर) असं मयत झालेल्या व्यक्तीचं नाव असून पत्नी व प्रियकराने पतीला अपशब्द वापरल्याने दुखावलेल्या पतीने थेट रेल्वेखाली आत्महत्या केल्याची घटना 29 जानेवारी रोजी पहाटे अमळनेर येथे घडली. याप्रकरणी पत्नी व तिच्या प्रियकरासह तीन जणांविरुद्ध आत्महत्येला प्रवृत्त केल्याचा गुन्हा दाखल करण्यात आला आहे. प्रियकर अजय भोई याला पोलिसांकडून अटक करण्यात आली आहे.

सुनील सावंत भोई याची पत्नी दिपाली भोई (वय 30) व तिचा प्रियकर अजय छोटू भोई (वय 32) आणि त्याची आई सुरेखा छोटू भोई अशा तीन जणांवर दाखल करण्यात आलेला आहे. आत्महत्येच्या घटनेच्या सुरुवातीला पोलिसांत आकस्मिक मृत्यूची नोंद करण्यात आली होती. सुनील याचा भाऊ सागर श्रावण भोई याने अमळनेर पोलिसांत दिलेल्या फिर्यादीनंतर या घटनेचा उलगडा झाला.

पत्नीनेच दिले टोमणे

29 जानेवारी रोजी रात्री सुनील भोई याने पत्नी व तिच्या प्रियकराला बोलताना पाहिलं. त्यानंतर झालेल्या वादात सुनीलच्याच पत्नीने आणि तिचा प्रियकर अजय याने सुनील यास अपशब्द बोलून टोमणे मारले. यावेळी अजयची आई सुरेखा भोई हिनेही अपमानास्पद वागणूक दिल्याचं फिर्यादीत नमूद करण्यात आलेलं आहे. पत्नी व प्रियकराने आपल्याला वाईट वागणूक आणि अपशब्द वापरल्यानं सुनील भोई याने रेल्वेखाली आत्महत्या केली. या घटनेनंतर सुनीलचा भाऊ यानी दुचाकीने टाकरखेडा मार्गावरील रेल्वे स्टेशन गाठून रेल्वेखाली आत्महत्या केल्याचं पोलीस तपासात निष्पन्न झालं आहे. या घटनेत आत्महत्येला प्रवृत्त केल्याप्रकरणी वरील तिघांविरोधात भारतीय न्यायसंहिता कलम 108, 333, 351(2)352व 3(5) याप्रमाणे गुन्हा दाखल करण्यात आला आहे.