अजित पवार यांच्या दुःखद निधनानंतर सुनेत्रा पवार यांनी महाराष्ट्राच्या उपमुख्यमंत्रीपदाची शपथ घेतल्याबद्दल विचारले असता केंद्रीय मंत्री पीयूष गोयल म्हणाले, “महायुती अंतर्गत आमची राष्ट्रवादी काँग्रेससोबत युती आहे आणि राष्ट्रवादी काँग्रेसच्या सदस्य व आमदारांनी भेटून सुनेत्रा पवार यांची पक्षाच्या नेत्या म्हणून निवड केली. सुनेत्रा पवार यांना उपमुख्यमंत्री म्हणून काम करण्यासाठी खूप खूप शुभेच्छा देतो. मला खात्री आहे की त्या चांगले काम करतील; त्या खूप दयाळू आहेत. मी त्यांना राज्यसभेत आणि बारामतीमधील त्यांच्या मतदारसंघातील जनतेची सेवा करताना पाहिले आहे.
Sunetra Pawar : शरद पवारांचे NDA मध्ये शिरकावाचे प्रयत्न? दिल्लीत मोठ्या हालचाली, सुनेत्रा पवारांच्या ‘वेगवान’ शपथविधीमागे दडलंय काय?
“आम्ही माझे मित्र अजित दादांना खूप मिस करू. ते एक महान प्रशासक, लोकांचे नेते आणि महाराष्ट्राच्या जनतेचे लाडके होते. त्यांच्या निधनाने निश्चितच एक मोठी पोकळी निर्माण झाली आहे. मी त्यांच्या कुटुंबाप्रती संवेदना व्यक्त करतो आणि सुनेत्रा वहिनी यांना यशस्वी कार्यकाळासाठी शुभेच्छा देतो” असे ते पुढे म्हणाले.
Rupali Patil : अजित दादांच्या दोन्ही मूळ पायलटना उशीर, अचानक दोघंही बदलले; अपघात की घात? रुपाली पाटलांचे महत्त्वाचे सवाल
“राष्ट्रवादी काँग्रेसचं नेतृत्व अजित पवार यांच्याकडे होतं. ते आता सुनेत्रा पवार यांच्याकडे होतं. प्रफुल पटेल यांची राष्ट्रवादीचे राष्ट्रीय अध्यक्ष म्हणून निवड झाली आहे. शरद पवार यांनी लोकांचा विश्वास गमावला आहे.” असंही गोयल म्हणाले.