या संदर्भात आमदार रोहित पवार यांनी सोशल मीडियावर एक पोस्ट शेअर केली आहे. त्यात त्यांनी म्हटले आहे की, “विदीप जाधव यांनी अजितदादांचे अंगरक्षक म्हणून अनेक वर्षे काम केले होते. दुर्दैवाने दोघांचाही विमान अपघातात मृत्यू झाला. अजितदादांच्या जाण्याने संपूर्ण महाराष्ट्र जसा दुःखात आहे, तसेच विदीप जाधव यांच्या कुटुंबावरही दुःखाचा डोंगर कोसळला आहे.

दुःख वाटल्याने कमी होते, म्हणून आज फलटण (तरडगाव) इथं जाधव कुटुंबियांची भेट घेऊन विचारपूस केली आणि या कठीण प्रसंगी आम्ही सर्वजण त्यांच्या कुटुंबासोबत असल्याचा विश्वास त्यांना दिला.”

आमदार रोहित पवार यांनी केवळ सांत्वन करून आपले कर्तव्य संपवले नाही, तर त्यांनी विदीप जाधव यांच्या मुलांच्या शिक्षणाची जबाबदारी स्वीकारून एक कृतीशील संदेश दिला आहे. या घटनेतून त्यांच्यातील संवेदनशील माणुसकीचे दर्शन घडले.

पवार कुटुंबीयांना पुरोगामी आणि सामाजिक कार्याचा मोठा वारसा लाभलेला आहे. आमदार रोहित पवार यांच्या या कृतीतून तेच संस्कार दिसून आले.