ज्या रुग्णवहिकेतून अजित पवारांचं पार्थिव नेण्यात आलं ती त्यांनीच उपलब्ध करुन दिलेली

या दुर्घटनेदरम्यान, एक मन हेलावणारी कहाणी समोर आली आहे, ज्यामुळे सर्वच हळहळले आहेत. अजित पवार यांचे पार्थिव ज्या रुग्णवाहिकेतून रुग्णालयातून स्मशानभूमीत नेण्यात आले ती रुग्णवाहिका त्यांनीच स्वतः बारामती नगरपरिषदेसाठी मिळवून दिली होती. बारामतीच्या लोकांची सेवा करण्यासाठी अजित पवार यांनी सहा महिन्यांपूर्वी ही रुग्णवाहिका नगरपरिषदेला उपलब्ध करुन दिली होती.
Ajit Pawar: रनवे दिसला की सांगतो! मग पायलट जोरात ओरडला; Mayday कॉल नाही, दादांच्या अपघातावेळी काय घडलं?

चालकाला रडू कोसळला, म्हणाले- माझ्या अयुष्यातील सर्वात दु:खद क्षण

बारामती नगरपरिषदेच्या रुग्णवाहिका चालक नाझीम काझी यांच्यासाठी गुरुवार हा त्यांच्या आयुष्यातील सर्वात जड दिवस होता. पीटीआय वृत्तसंस्थेनुसार, नाझीम यांनी सांगितलं की, सुमारे सहा महिन्यांपूर्वी अजित पवार यांना एका बातमीतून कळले की बारामती नगरपरिषदेकडे एक दशक जुनी रुग्णवाहिका आहे. त्यांनी ताबडतोब अधिकाऱ्यांची बैठक बोलावली आणि विलंब न करता आधुनिक रुग्णवाहिका उपलब्ध करून देण्याचे आदेश दिले.
Ajit Pawar: ..तर कदाचित हा अपघात टाळता आला असता, अजित पवार विमान दुर्घटनेबाबत मोठी माहिती समोर

अजित दादांचे ते शब्द आजही आठवतात – नाझीम काझी

“जेव्हा अजित दादांनी ही रुग्णवाहिका सोपवली तेव्हा त्यांनी मला फक्त एकच गोष्ट सांगितली: ‘तुमचे काम पूर्ण प्रामाणिकपणे करा.’ त्यांचा आवाज आजही माझ्या कानात घुमतो आहेत. मला कल्पनाही नव्हती की त्यांनी मला जीव वाचवण्यासाठी जे वाहन दिले होते त्याच वाहनातून मला त्यांचं पार्थिव न्यावं लागेल. हा माझ्या आयुष्यातील सर्वात दुःखद क्षण आहे.”