विदीप जाधव यांनी आपल्या सेवाकाळात सदैव कर्तव्याला सर्वोच्च स्थान देत आपली जबाबदारी पार पाडली आहे. कोणतीही परिस्थिती असो, आपले कर्तव्य प्रामाणिकपणे आणि धैर्याने बजावणे हीच त्यांची ओळख राहिली आहे. आदरणीय दादांचे अंगरक्षक म्हणून कार्य करत असताना त्यांनी दाखवलेली तत्परता, प्रसंगावधान आणि निष्ठा यामुळे ते पोलीस दलात आदर्श मानले जात आहेत. विदीप यांना त्यांच्या चिमुकल्याने मुखाग्नी दिला तेव्हा उपस्थितांनाही भरून आलं होतं.

विदीप जाधव हे २००९ बॅचचे मुंबई पोलीस दलातील कर्मचारी होते. गेल्या चार वर्षांपासून ते उपमुख्यमंत्री अजित पवार यांच्या सुरक्षा ताफ्यात कार्यरत होते. अत्यंत जबाबदारीचे काम सांभाळताना त्यांनी नेहमीच कर्तव्याला प्राधान्य दिले. शिस्तप्रिय, शांत स्वभावाचे आणि मनमिळाऊ अधिकारी म्हणून त्यांची ओळख होती. वरिष्ठ अधिकारी असोत वा सहकारी, सर्वांशी ते आपुलकीने वागत असत. ते मूळचे सातारा जिल्ह्यातील लोणंद येथील रहिवासी असले तरी गेल्या २७ वर्षांपासून ठाणे जिल्ह्यातील विटावा (कळवा) येथील ‘साई कृष्ण विहार’ इमारतीत कुटुंबासह वास्तव्यास होते. त्यांच्या पश्चात पत्नी संध्या, १४ वर्षांची मुलगी, ९ वर्षांचा मुलगा तसेच वृद्ध आई-वडील असा परिवार आहे. कुटुंबाला एकत्र ठेवणारा आधारस्तंभ म्हणून विदीप जाधव यांच्याकडे पाहिले जात होते.
Ajit Pawar: पहाटे 1.44 वाजता सुप्रिया सुळेंचा पुन्हा व्हॉट्सअ‍ॅप स्टेटस; दादांच्या निधनानंतर एका शब्दात मांडली व्यथा, काय म्हणाल्या?
सातारा जिल्हा पोलीस दलाने विदीप जाधव यांच्या कार्याची दखल घेत त्यांचा सार्वजनिक सन्मान करत मानवंदना दिली. हा सन्मान म्हणजे केवळ एका व्यक्तीचा गौरव नसून, संपूर्ण पोलीस दलाच्या कर्तव्यभावनेचा आणि शिस्तीचा सन्मान असल्याचे मत यावेळी व्यक्त करण्यात आले. अशा निष्ठावंत अधिकाऱ्यांमुळेच नागरिकांचा पोलीस प्रशासनावरचा विश्वास अधिक दृढ होतो, असेही वरिष्ठ अधिकाऱ्यांनी नमूद केले.
Ajit Pawar : अजितदादांसोबत विमान अपघातात निधन; सहसा मेसेज न करणाऱ्या शांभवीने आजीला केलेला अनपेक्षित WhatsApp, पहाटे 6.34 वाजता म्हणालेली…
या सन्मानामुळे तरडगाव गावाचे नाव जिल्हा व राज्यपातळीवर उज्ज्वल झाले आहे. गावातील नागरिक, युवक आणि जाधव कुटुंबीयांनी या गौरवाबद्दल समाधान व्यक्त करत विदीप जाधव यांचे अभिनंदन केले आहे. अनेकांनी “पोलीस दलाचा अभिमान” अशी भावना व्यक्त करत त्यांच्या पुढील सेवेसाठी शुभेच्छा दिल्या. कर्तव्य, निष्ठा आणि शौर्य या त्रिसूत्रीवर आधारित विदीप जाधव यांची वाटचाल आजच्या युवकांसाठी प्रेरणादायी ठरत आहे. सातारा जिल्हा पोलीस दलाची मानवंदना ही त्यांच्या सेवेला मिळालेली योग्य पावती असून, भविष्यातही ते अशाच निष्ठेने आणि जबाबदारीने सेवा बजावत राहतील, अशी अपेक्षा व्यक्त केली जात आहे.