या घटनेचे प्रत्यक्षदर्शी आणि आलोकचे सहकारी सुधीर कुमार त्रिवेदी यांनी सांगितले की, ट्रेनमध्ये प्रवाशांमध्ये वाद होणे सामान्य आहे, पण अशा वादातून कोणाची हत्या होईल, याची कल्पनाही केली नव्हती. त्रिवेदी यांनी सांगितले की, त्यांनी आरोपीचा पाठलाग करण्याचा प्रयत्न केला, पण आलोकला रक्ताच्या थारोळ्यात पाहून ते परत आले आणि त्याला मदत केली. पोलिसांनी घटनास्थळी येऊन आलोक यांना रुग्णालयात दाखल केलं, परंतु अतिरक्तस्रावामुळे त्यांचा मृत्यू झाला.

नेमकं काय घडलं?

शनिवारी संध्याकाळी ५ वाजता आलोक आणि सुधीर हे एनएम कॉलेजमधून निघाले. अंधेरी स्टेशनवर पोहोचले. त्यांनी बोरिवली स्लो लोकल पकडली. ते लोकलच्या पॅसेजमध्ये उभे होते. मालाड स्टेशन येण्यापूर्वी आलोक यांनी सुधीर यांना ‘बाय’ म्हटले आणि ते पुढे सरकले. यावेळी आरोपी ओमकार शिंदे हा आलोकच्या मागे उभा होता. स्टेशनवर उतरण्यावरुन त्यांच्यात वाद सुरु झाला.
BMC Election : शिंदेसेना मागे, ठाकरेसेना आगे; महापालिका समित्यांवर भाजप-उबाठाचा वरचष्मा, मनसे आणि MIM ही…
एफआयआरनुसार, आरोपी ओमकार शिंदे याने आलोक सिंग यांना विचारले, “मालाड येत आहे. मालाडला उतरायचं आहे का? उतरायचं असेल तर पुढे सरक.” यावर आलोक यांनी उत्तर दिले, “मला मालाडला उतरायचं आहे, पण पुढे लेडीज आहेत. दिसत नाही का?” यावरुन दोघांमध्ये बाचाबाची झाली. जेव्हा ट्रेन प्लॅटफॉर्म क्रमांक १ वर थांबली, तेव्हा आलोक यांनी सुधीर यांना सांगितलं की, “याने मला पोटात काहीतरी मारलं आहे.”

सुधीर त्रिवेदी यांनी सांगितले की, ते ट्रेनमधून उतरले आणि आरोपीच्या मागे धावले, पण आरोपी एका पादचारी पुलावर चढून पळून गेला. सुधीर परत आले तेव्हा आलोक रक्ताच्या थारोळ्यात पडले होते. पोलिस येईपर्यंत ते आलोक यांच्यासोबत होते. त्यानंतर पोलिसांनी त्यांचे म्हणणे नोंदवून घेतले आणि तपासासाठी त्यांना पुन्हा घटनास्थळी आणले. आलोक यांना संध्याकाळी ६ वाजता कांदिवलीच्या डॉ. बाबासाहेब आंबेडकर रुग्णालयात नेण्यात आले, तिथे डॉक्टरांनी त्यांना रात्री ६.१५ वाजता मृत घोषित केले.
Alok Singh Death : आलोकचा छोटासा अपघात झालाय आणि तो… कुटुंबाने लपवलं; वाढदिवशीच पूजाला समजली भयंकर बातमी, दुसऱ्या दिवशी नवऱ्याचा…
या घटनेमुळे मुंबईसारख्या शहरात लोकल ट्रेनमधील प्रवाशांच्या सुरक्षेचा प्रश्न पुन्हा एकदा ऐरणीवर आला आहे. गर्दीच्या लोकल ट्रेनमध्ये होणारे वाद आणि त्यातून होणारे गंभीर गुन्हे चिंताजनक आहेत. पोलिसांनी आरोपी ओमकार शिंदे याला पकडून पुढील कारवाई सुरू केली आहे, पण अशा घटना पुन्हा घडू नयेत यासाठी उपाययोजना करणे आवश्यक आहे. आलोक कुमार सिंग यांच्या कुटुंबावर दुःखाचा डोंगर कोसळला आहे. पत्नी पूजा हिच्यासाठी हा धक्का सहन करणे कठीण आहे. प्रेमळ पतीचा असा अचानक अंत झाल्याने सर्वत्र हळहळ व्यक्त होत आहे.