खेळताना अचानक तोल गेला

नरहरी नगर येथे असलेल्या एका इमारतीच्या चौथ्या मजल्यावरील बाल्कनीत खेळता खेळता अचानक एक सहा वर्षाचा चिमुरडा तोल जाऊन खाली पडला. या घटनेत गंभीर जखमी झालेल्या चिमुरड्याला दुर्दैवाने आपले प्राण गमावे लागले आहे. काल रविवारी रोजी सायंकाळच्या सुमारास ही घटना घडली असून या घटनेमुळे परिसरात हळहळ व्यक्त केली जात आहे. कीयांश प्रफुल्ल बेदाडे (वय 6 वर्ष, रा. शिवगंगा रेबिन्यू नरहरी नगर पाथर्डी फाटा, नाशिक) असं या घटनेत दुर्दैवी मृत्यू झालेल्या बालकाचं नाव आहे.
Alok Singh Death : पुढे लेडीज आहेत, दिसत नाही का? ओमकार-आलोकमध्ये बाचाबाची, नेमक्या कुठल्या गोष्टीवरुन वादाला तोंड फुटलं? सहकाऱ्याने सगळं सांगितलंक्रियांश हा आपल्या इमारतीमधील चौथ्या मजल्यावरील घरातील गॅलरीमध्ये खेळत होता. खेळत असताना अचानक गॅलरी मधून त्याचा तोल गेला आणि तो थेट चौथ्या मजल्यावर खाली जमिनीवर कोसळला. इमारतीच्या चौथ्या मजल्यावरून खाली पडल्याने कीयांश हा गंभीर जखमी झाला होता. घटना लक्षात येताच तातडीने त्याच्या घरच्यांनी त्याला उपचारासाठी रुग्णालयात दाखल केलं, मात्र दुर्दैवाने त्याचा जागीच मृत्यू झाला होता. या घटनेनं बेदाडे परिवारावर मोठा दुःखाचा डोंगर कोसळला आहे.
Pune Crime: पुण्यात पाच मित्रांनीच विकीला संपवलं; पळून लातूरला गेले, पण एका गोष्टीमुळे बिंग फुटलं अन् सगळे जागीच सापडले!

आईने फोडला हंबरडा

या घटनेची माहिती मिळताच परिसरातील नागरिकांनी मोठी गर्दी केली होती, कीयांश याच्या आईने फोडलेला हंबरडा हा सगळ्यांच्या डोळ्यात चटकन अश्रू आणणारा होता. यश हा आपली आई आणि दोन बहिणी सोबत पाथर्डी फाटा येथे राहत होता तर क्रियांश याचे वडील हे कामानिमित्त मनमाड येथे वास्तव्यास असतात. कियांश हा बेदाडे यांचा एकुलता एक मुलगा होता. एकुलत्या एक मुलाचा असा दुर्दैवी अपघाती मृत्यू होणं हे त्याच्या घरच्यांसाठी सहन न होणारा धक्का आहे. याबाबत इंदिरानगर पोलीस ठाणे येथे आकस्मात व्यक्तीची नोंद करण्यात आली असून इंदिरानगर पोलिस अधिक तपास करत आहेत.