या घटनेचं नवीन सीसीटीव्ही फुटेज समोर आलं आहे. ज्यामध्ये या भीषण घटनेवेळी नेमकं काय झालं हे दिसत आहे.

नेमकं काय घडलं?

शनिवारी (24 जानेवारी) संध्याकाळी प्राध्यापक आलोक सिंग बोरिवली ते मालाड लोकल ट्रेनने प्रवास करत होते. ट्रेन मालाड स्टेशनवर पोहोचताच उतरताना धक्का-बुक्की झाली. दरम्यान, आलोक सिंग आणि ओंकार शिंदे यांच्यात उतरण्यावरुन वाद झाला. आलोक म्हणाले की, “मला ढकलू नको.” यावर ओंकारला राग आला. वाद वाढला आणि ओंकारने अचानक त्याच्या खिशात हात घातला. कोणी काही समजू शकेल त्यापूर्व ओंकारने आलोकच्या पोटात वार केलेला होता.

हा वार इतका तीव्र होता की, यात आलोक जखमी झाले आणि त्यांना मोठ्याप्रमाणात रक्तस्त्राव होऊ लागला. जखमी अवस्थेतही आलोक हे प्लॅटफॉर्मवर उतरले, तिथे बाकावर बसून मदतीची वाट पाहत राहिले. पण, जास्त रक्तस्त्रावामुळे त्यांचा मृत्यू झाला
सुरुवातीला पोलिसांना वाटल की चाकूने हल्ला झाला आहे. परंतु, तपासात धक्कादायक सत्य समोर आले. ओंकार खेतवाडी परिसरातील एका धातू कारखान्यात काम करतो. त्याच्याकडे लोखंडी टोक असलेले एक धारदार पक्कड होते. त्याने त्या पक्कडचा वापर हल्ला करण्यासाठी केला.

नवीन सीसीटीव्ही फुटेजमध्ये दिसत आहे की ओंकारने हल्ला केला आणि मग गर्दीचा फायदा घेत तो पळून गेला. पोलिसांनी या फुटेजच्या आधारे आरोपीची ओळख पटवली आणि बारा तासांच्या आत त्याला अटक केली आहे.

तपासादरम्यान, ओंकारने घटनेनंतर ओंकारने प्लायर्स फेकून दिले होते. पोलिस आता त्या शस्त्राचा शोध घेत आहेत. आरोपीचा पूर्वीचा कोणताही गुन्हेगारी रेकॉर्ड होता का याचाही तपास केला जात आहे.