शिवसेनेचे (एकनाथ शिंदे गट) खेड येथील नेते अनिल लोखंडे, त्यांच्या पत्नी सुवर्णा, मुलगा आदित्य व मुलगी समृद्धी यांनी अटकेपासून संरक्षण मिळण्यासाठी अर्ज केला होता. आदित्यच्या पत्नीने या कुटुंबाविरोधात हुंड्यासाठी शारीरिक व मानसिक छळवणूक केल्याचा आणि पिस्तुल दाखवून धमकावल्याचा आरोप केला आहे.

‘ऑगस्ट-२०२३ मध्ये आदित्यसोबत झालेल्या विवाह सोहळ्याच्या वेळी माझ्या वडिलांनी दोन कोटी रुपये खर्च केले. त्यात ५५ तोळे सोने, दोन किलो चांदी, फॉर्च्युनर कार व इलेक्ट्रॉनिक वस्तू दिल्या. मात्र, आदित्यला शेअर बाजारात खूप नुकसान झाल्याने सासरच्यांनी पुन्हा शंभर तोळे सोने व लक्झरी कार माहेरून आणण्याची मागणी केली. ती मान्य होत नसल्याचे पाहून सासरच्यांनी माझा अनन्वित छळ केला. केस धरून मारहाण, तव्यावर हात ठेवून भाजणे, असे अनेक प्रकार केले. सासऱ्यांनी पिस्तुल दाखवून धमकावले. अखेर माझा जीव धोक्यात असल्याचे कळल्यानंतर मला माहेरच्यांनी घरी नेले’, असे फिर्यादी महिलेने एफआयआरमध्ये नमूद केले आहे. Crime News : शेजाऱ्यासोबत शरीरसंबंध ठेवताना रंगेहाथ पकडलं, आईने पोटच्या पोराचा जीव घेतला, बाप निकराने लढला, पण बॉयफ्रेण्ड…
आरोपींच्या अर्जावर न्या. माधव जामदार यांच्यासमोर सुनावणी झाली. त्यावेळी फिर्यादीने केलेले सर्व आरोप खोटे असल्याचा युक्तिवाद आरोपींच्या वकिलांनी केला. तर सत्र न्यायालयाने अटकपूर्व जामीन अर्ज फेटाळल्यानंतरही केवळ राजकीय वरदहस्त असल्याने पोलिसांकडून कारवाई होत नसल्याचे म्हणणे फिर्यादीमर्फे मांडण्यात आले.
Telangana Honeytrap : बायकोने 100 हून अधिक पुरुषांना जाळ्यात ओढलं, घरी बोलावून अश्लील चाळे, नवऱ्याकडून शूट करत ब्लॅकमेल, अखेर अटकेत

वाढदिवसाला सोन्याच्या कड्याचा हट्ट

लग्नानंतर काही दिवसांनी पती आदित्यचा वाढदिवस आला. या निमित्ताने सासरच्या मंडळींनी माहेरून आणखी पैसे आणि दागिने आणण्यासाठी विवाहितेचा छळ सुरु केल्याचा आरोप आहे. वाढदिवसाला सोन्याचे कडे हवे म्हणून आदित्यने हट्ट धरला. मुलीचा त्रास कमी व्हावा म्हणून वडिलांनी पुन्हा ४ तोळ्याचे सोन्याचे कडे, २५ हजारांचे घड्याळ आणि वाढदिवसाच्या खर्चासाठी ३५ हजार रुपये रोकड दिल्याची माहिती आहे. मात्र तरी देखील ‘आणखी पैसे घेऊन ये’ असे म्हणत सासरच्यांनी तिचा शारीरिक आणि मानसिक छळ सुरूच ठेवल्याचा दावा केला जात आहे.