म. टा. प्रतिनिधी, पुणे: पुणे ग्रामीण पोलिसांनी शिरूर शहरात मोठी कारवाई करून साडेदहा किलो मेफेड्रोन (एमडी) जप्त केला आहे. या अमली पदार्थ तस्करी रॅकेटमध्ये अहिल्यानगर पोलिस दलातील एका हवालदाराचा सहभाग असल्याचे समोर आले असून, त्यालाही अटक करण्यात आली आहे.
हवालदार श्यामसुंदर विश्वनाथ गुजर (वय ३९, रा. नेप्ती, अहिल्यानगर) याच्यासह शादाब रियाज शेख (वय ४१, रा. डंबेनाला, शिरूर), ज्ञानदेव ऊर्फ माउली बाळू शिंदे (वय ३६, रा. कोहकडी, पारनेर, अहिल्यानगर), महेश दादाभाऊ गायकवाड (वय २७, रा. हिंगणी, श्रीगोंदा, अहिल्यानगर) आणि हृषीकेश प्रकाश चित्तर (वय ३५, रा. कुरुंद, पारनेर, अहिल्यानगर) यांना अटक करण्यात आली आहे.
Pune Crime : पुण्यात आजोबांना ‘डिजिटल अरेस्ट’, सीबीआय अधिकारी असल्याचं भासवत 1 कोटी लंपास
पुणे आणि ग्रामीण भागात अमली पदार्थ विक्री करणाऱ्यांविरोधात कारवाई सुरू असताना पुणे ग्रामीण पोलिस अधीक्षक संदीपसिंग गिल यांनी अमली पदार्थविरोधी विशेष मोहीम राबविण्याचा आदेश दिला होता. या मोहिमेदरम्यान शिरूर शहरात अमली पदार्थ तस्करीचे रॅकेट सक्रिय असल्याची माहिती वरिष्ठ अधिकाऱ्यांना मिळाली. त्यानंतर विशेष पथक तयार करून शिरूर पोलिस व स्थानिक गुन्हे शाखेला तपासाच्या सूचना देण्यात आल्या. तपासादरम्यान शिरूरमधील गॅरेज चालक शादाब शेख याला ताब्यात घेऊन झडती घेतली असता त्याच्याकडून एक किलो मेफेड्रोन जप्त करण्यात आले. पुढील चौकशीत ड्रगपुरवठा करणारे ज्ञानदेव शिंदे, महेश गायकवाड आणि हृषीकेश चित्तर यांना अटक करण्यात आली. त्यांच्याकडून आणखी साडेनऊ किलो मेफेड्रोन जप्त करण्यात आले.
Pune Crime : 26 मोबाईलचा वापर, ज्येष्ठ नागरिकाला 22 कोटींचा ऑनलाइन गंडा, आजवरची सर्वांत मोठी सायबर फसवणूक; पुण्यात खळबळ
सखोल तपासात अहिल्यानगर जिल्ह्यातील स्थानिक गुन्हे अन्वेषण विभागात कार्यरत हवालदार श्यामसुंदर गुजर हा या रॅकेटमध्ये सहभागी असल्याचे निष्पन्न झाले. त्यानंतर मध्यरात्री त्यालाही ताब्यात घेण्यात आले. प्राथमिक तपासात तो या रॅकेटचा मुख्य सूत्रधार असल्याची शक्यता व्यक्त करण्यात येत आहे. त्याच्याकडे चौकशी सुरू आहे.
पोलिस अधीक्षक संदीपसिंग गिल यांच्या मार्गदर्शनाखाली स्थानिक गुन्हे शाखेचे वरिष्ठ निरीक्षक अविनाश शिळीमकर, उपनिरीक्षक पंडीत मांजरे, हवालदार नीलेश शिंदे, जनार्दन शेळके, तुषार पंधारे, राजू मोमीन, संजय जाधव, पोलिस शिपाई पोपट गायकवाड, शिरूर पोलिस ठाण्याचे उपनिरीक्षक दिलीप पवार, पोलिस शिपाई अंबादास थोरे आणि सचिन भोई यांच्या पथकाने ही कारवाई केली.
Baramati Crime: बारामतीत पंचविशीतल्या तरुणीच्या अमानुष हत्येनं खळबळ, अत्याचार केला अन् बॉडी थेट माळरानात… काय घडलं?
व्हॉट्सअॅप कॉल रेकॉर्डिंग पोलिसांच्या हाती
पोलिस हवालदार श्यामसुंदर गुजर रॅकेटमधील काही आरोपींशी व्हॉट्सॲप कॉलद्वारे संपर्कात होता. काही आरोपींनी त्याचे व्हॉट्सॲप कॉल रेकॉर्ड केले होते. हे रेकॉर्डिंग पोलिसांच्या हाती लागल्यानंतरच गुजरचा सहभाग उघडकीस आला आणि त्याला अटक करण्यात आली.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा