कल्याण डोंबिवली महापालिका निवडणुकीच्या निकालानंतर तिथल्या राजकारणात प्रचंड उलथापालथ होताना दिसत आहे. मनसेने उपमुख्यमंत्री एकनाथ शिंदे यांच्या शिवसेनेला पाठिंबा दिला आहे. तर शिवसेना उद्धव बाळासाहेब ठाकरे पक्षाच्या 11 पैकी केवळ 7 जणांचा गट स्थापन झाला आहे. या सातही नगरसेवकांची यादी आम्ही तुम्हाला देणार आहोत.
कल्याण डोंबिवली महापालिका निवडणुकीत शिवसेना उद्धव बाळासाहेब ठाकरे पक्षाला 11 तर मनसेला 5 जागांवर यश मिळालं. त्यामुळे मनसे आणि शिवसेना ठाकरे गट हे महापौर पदासाठी जायंट किलर ठरताना दिसले. भाजप आणि शिवसेना यांच्यात असलेल्या महापौर पदाच्या रस्सीखेचमुळे फोडाफोडीच्या राजकारणाला वेग आला. ठाकरे गटाचे दोन नगरसेवक अजूनही नॉट रिचेबल आहेत. तर दोन नगरसेवकांनी गटस्थापनेला गैरहजेरी लावली. तरिही ठाकरेंच्या पाठिमागे खंबीरपणे साथ देणारे ते 7 नगरसेवक कोण आहेत? याची माहिती आम्ही तुम्हाला देणार आहेत.
शिवसेना उद्धव बाळासाहेब ठाकरे पक्षाचे कल्याण शहरप्रमुळ बाळा परब यांनी काल पत्रकार परिषद घेत गट स्थापनेबाबत माहिती दिली होती. ठाकरे गटाच्या 7 नगरसेवकांचा गट स्थापन झाल्याची माहिती त्यांनी दिली. गट स्थापनेच्या बैठकीला दोन नगरसेवकांना माहिती देवूनही ते आले नाहीत. राहुल कोट आणि स्वप्नाली केणे या दोन नगरसेवकांशी संपर्क होऊनही ते बैठकीला आले नाहीत. तर मधुर म्हात्रे आणि कीर्ती ढोणे हे दोन नगरसेवक नॉट रिचेबल आहेत. हे चार नगरसेवक वगळता 7 नगरसेवकांचा गट स्थापन करण्यात आला आहे. उमेश बोरगावकर यांची गटनेता पदी नियुक्ती करण्यात आली. तर संकेश भोईर यांची प्रतोद पदी निवड करण्यात आल्याची माहिती बाळा परब यांनी दिली. हे चार नगरसेवक वगळता ठाकरेंना साथ देणाऱ्या 7 नगरसेवकांची यादी जाणून घेऊयात.
उद्धव ठाकरे यांच्यासोबत राहिलेल्या 7 नगरसेवकांची प्रभागनिहाय यादी :
प्रभाग क्रमांक 4 अ (आरक्षण – अनुसूचित जाती महिला) – तेजश्री गायकवाड
प्रभाग क्रमांक 6 अ (आरक्षण – नागरिकांचा मागास प्रवर्ग) – उमेश बोरगावकर – गटनेता पदी निवड
प्रभाग क्रमांक 6 ब (आरक्षण – सर्वसाधारण महिला) – अपर्णा भोईर
प्रभाग क्रमांक 6 ड (सर्वसाधारण) – संकेश भोईर – प्रतोद पदी निवड
प्रभाग क्रमांक 10 ब (आरक्षण – नागरिकांचा मागास प्रवर्ग) – विशाल गारवे
प्रभाग क्रमांक 15 अ (आरक्षण – अनुसूचित जाती महिला) – वंदना माहिले
प्रभाग क्रमांक 16 अ (आरक्षण – अनुसूचित जाती) – नीलेश खंबायत
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा