Chhatrapati Sambhajinagar Farmer Murder: छत्रपती संभाजीनगर येथे एका शेतकऱ्याच्या हत्या प्रकरणात आई-मुलाला अटक करण्यात आली आहे. त्यांनी क्राईम शो पाहून हा हत्येचा कट रचला होता.
यावेळी पोलिस अधिक्षक डॉ. विनयकुमार राठोड यांनी दिलेल्या माहितीनुसार, खुनाची घटना ही १३ जानेवारी रोजी उघडकीस आली. पोलिसांनी मृत व्यक्ती हा जामडी गावातील राजु रामचंद्र पवार (रा. जामडी, कन्नड) अशी ओळख पटविली. खुनाच्या घटनेनंतर आरोपींचा शोध पोलिसांनी सुरू केला. यासाठी स्थानिक गुन्हे शाखा, कन्नड ग्रामीण पोलिस, डॉग स्क्वॉड व फॉरेन्सिक पथक घटनास्थळावरून मारेकऱ्यांचा माग सूरू केला. घटनास्थळी मृताच्या अंगावरील अंडरवेअर, चप्पल व फुटलेला मोबाइल अशी सापडली होती. जंगलाचा भाग असल्यामुळे तांत्रिक पुराव्यांचा अभाव होता. या तपासासाठी स्थानिक गुन्हे शाखेचे दोन पथक तयार करण्यात आले होते. 
Beed Crime: ऊसतोड मजुराचे हातपाय बांधले अन् मग दगडाने… आरोपीनेही विष घेतलं, बीडमध्ये खळबळ
सगळं काही व्यवस्थीत मात्र जबाब चुकले अन् अटक झाली
या खुनाचा तपास करण्यासाठी ६० ते ७० संशयीताची पोलिसांनी कसून चौकशी केली. मृतदेह सापडलेल्या ठिकाणा लगतचे शेत राजू जोधा पवार यांचे असून त्याची देखभाल पत्नी वंदना व मुलगा धीरज करत असल्याची माहिती समोर आली. पोलिसांनी या दोघांची चौकशी सुरू केली. या दोघांच्या जबाबात विसंगती आढळली. विसंगती आढळताच वंदना पवार आणि धीरज उर्फ टेमा राजु पवार या दोघांना ताब्यात घेण्यात आली.
शरीर संबंधासाठी मृत आणत होता दबाव
या प्रकरणात पोलिसांनी वंदना पवार याच्याकडे घटनेची माहिती घेतली असता, तिने सांगितले कि, मृत राजू पवार वारंवार तिच्यावर अनैतिक संबंधासाठी दबाव टाकत होता. या त्रासाला कंटाळली होती. मृत राजु हा आपल्याला त्रास देत आहे. अशी माहिती तिने मुलाला सांगितले व दोघांनी खून करण्याचा कट रचला. १३ जानेवारी रोजी वंदनाने राजू पवार याला शेताजवळ बोलावले. तो कपडे काढत असतानाच धीरजने लाकडी ओंडक्याने डोक्यावर व गुप्तांगावर वार केले. वंदनानेही मदत करत त्याचा जीव घेतला. पुरावे नष्ट करण्यासाठी मृतदेह वनभागातील नाल्यात झाडाच्या मुळाशी पाण्यात अडकवून ठेवण्यात आला.
क्राइम शो पाहून केलेली ‘परफेक्ट प्लॅनिंग’
या प्रकरणाची तपासणी करणाऱ्या पथकाने धिरज उर्फ टेमा पवार याच्या मोबाईलचा शोध घेतला असता, धिरज हा क्राइम पेट्रोल, सीआयडी, दृश्यम तसेच ओटीटीवरील क्राईम सिरीज पाहत होता. याशिवाय त्याने खुन किंवा गुन्ह्यांच्या तपासात कोणत्या गोष्टी पुरावे म्हणुन राहतात. याचीही माहिती घेऊन डिजिटल ट्रेल टाळण्यासाठी सिमकार्ड बदलणे, मोबाइल फोडणे अशा कृत्य समोर आले आहे.
दोन्ही आरोपी कन्नड पोलिसांच्या हवाली
या प्रकरणात स्थानिक गुन्हे शाखेच्या पेालिसांनी वंदना पवार आणि धीरज उर्फ टेमा पवार या दोघांना ताब्यात घेतले. या दोघांना कन्नड पोलिसांच्या हवाली करण्यात आले आहे. ही कारवाई पोलिस अधीक्षक डॉ. विनयकुमार राठोड, अपर अधीक्षक अन्नपुर्णा सिंह, सहायक अधीक्षक अपराजिता अग्निहोत्री, एलसीबीचे निरीक्षक विजयसिंग राजपूत यांच्यासह एलसीबी व कन्नड ग्रामीण पोलिस ठाण्याच्या अधिकारी-अंमलदारांनी केली.
लेखकाबद्दलनुपूर उप्पलनुपूर विकास उप्पल, महाराष्ट्र टाइम्स ऑनलाईनमध्ये सिनियर डिजिटल कंटेंट प्रोड्युसर पदावर कार्यरत आहेत.गेल्या तीन वर्षांपासून महाराष्ट्र टाइम्स ऑनलाईनसोबत काम करत आहे. राष्ट्रीय, गुन्हेगारी, राजकीय, हटके स्टोरीज या विषयांचं लिखाण करण्यात हातखंडा आहे. घटनेचं विश्लेषणात्मक लिखाण करण्यात रस. गेल्या 9 वर्षांपासून पत्रकारिता क्षेत्रात काम करत असून यापूर्वी टीव्ही ९ मराठी, साममध्ये कामाचा अनुभव आहे. यशवंतराव चव्हाण मुक्त विद्यापीठातून बॅचलर ऑफ मास कम्युनिकेशन अँड जर्नालिझमचं शिक्षण घेतलं आहे.… आणखी वाचा