ठाकरेंचे संख्याबळ किती?

मुंबई महापालिका निवडणूक शिवसेना उबाठा आणि मनसेने एकत्र येत लढवली. यामध्ये उबाठाचे ६५ आणि मनसेचे सहा नगरसेवक निवडून आले. मनसेकडून गटनेते म्हणून यशवंत किल्लेदार यांची निवड करण्यात आली, तर काँग्रेसच्या गटनेतेपदी कुर्ला येथील नगरसेवक अश्रफ आजमी यांची निवड करण्यात आली आहे.

महापौरपद दिलेले विभागून

गेल्या महापालिका निवडणुकीत शिवसेना सत्तेत आल्यानंतर सभागृह नेता म्हणून यशवंत जाधव यांच्यावर जबाबदारी दिली होती. नंतर ते स्थायी समितीचे अध्यक्ष झाल्याने, विशाखा राऊत यांची या पदी निवड झाली होती. त्यावेळी अडीच वर्षे विश्वनाथ महाडेश्वर आणि त्यानंतर किशोरी पेडणेकर या महापौर होत्या.
BMC Election 2026 : काठावर बहुमत, महायुतीची कसरत; स्थायी समितीत ठाकरेंचे 8 नगरसेवक, तर शिंदेंच्या शिवसेनेच्या तिप्पट…

माजी महापौरांची नावंही शर्यतीत

गेल्या महापालिका निवडणुकीत शिवसेना उबाठा पक्षाकडून महापालिकेत विविध पदे भूषवलेल्या विशाखा राऊत, किशोरी पेडणेकर यांची नावे पुन्हा चर्चेत आहेत. विशाखा राऊत महापौर राहिल्या आहेत. माजी महापौर मिलिंद वैद्य आणि श्रद्धा जाधव हे स्पर्धेत आहेत. निवडून आलेल्या नगरसेवकांची नोंद ही बेलापूरमधील कोकण भवन येथे झाल्यानंतर, महापौराकडे विरोधी पक्षनेतेपदाचा प्रस्ताव जातो. उबाठा पक्षातील अनुभवी नगरसेवकांना पुन्हा जबाबदारी देण्याचा विचार होऊ शकतो.
Maharashtra Politics : वंचितच्या पाठिंब्याने शिंदेसेनेत ‘उल्हास’, भाजपहून कमी जागा मिळवूनही महापौरपद, विरोधी बाकांवर ‘कमळ’?

सचिन पडवळ यांचे नाव चर्चेत

यंदाच्या मुंबई महापालिका निवडणुकीत उमेदवारांच्या तिकीट वाटपात शिवसेना आमदार आदित्य ठाकरे आघाडीवर होते. त्यांच्याकडून यंग ब्रिगेडलाही जबाबदारी देण्याचा प्रयत्न होऊ शकतो. त्यामुळे दुसऱ्यांदा विजयी झालेले शिवडीतील नगरसेवक सचिन पडवळ यांच्यावरही विरोधी पक्षनेतेपदाची जबाबदारी दिली जाऊ शकते.