IND Vs NZ: नागपूरमध्ये 21 जानेवारी (बुधवार) मोठे वाहतूक बदल केले जाणार आहे. भारत-न्यूझीलंड यांच्यातील टी-20 सामन्यामुळे चाहत्यांची मोठी गर्दी शहरात होणार आहे. यामुळे कोणते मार्ग बंद केले जातील आणि प्रवाशांसाठी जाहीर केलेले नियमावली, पर्यायी मार्ग, जाणून घ्या..
पोलिस उपायुक्त (वाहतूक) लोहित मतानी यांनी वाहतूक बदलांची माहिती दिली आहे. सल्लापत्रकानुसार, नागपूरहून जामठ्याकडे जाणाऱ्या वाहनांनी वर्धा रोडने जाऊन नॅशनल कॅन्सर इन्स्टिट्यूट (NCI) जवळ डावे वळण घ्यावे. पुढे माऊली नगरजवळ डावे वळण घेऊन वाहने निर्दिष्ट पार्किंग झोनमध्येच उभी करावी. जामठा टी-पॉइंटवरून स्टेडियम किंवा जामठा गावाकडे जाण्यास सर्वसामान्य वाहनांना बंदी राहील. या मार्गावर केवळ खेळाडू व पंचांची वाहनेच सोडली जातील.
Central Railway: दादर, CSMT वरून सुटणाऱ्या रेल्वेंसाठी नवी स्थानकं, मध्य रेल्वेची मोठी घोषणा; कर्जत-कसारा लोकलचा होणार फायदा
पार्किंगची व्यवस्था
स्टेडियममध्ये प्रवेश व बाहेर पडण्यासाठी स्वतंत्र मार्ग निश्चित करण्यात आले आहेत. दुचाकी, चारचाकी, स्कूल बसेस, व्हीआयपी, व्हीसीए सदस्य, पोलीस कर्मचारी आणि माध्यम प्रतिनिधींसाठी स्वतंत्र पार्किंग ठेवण्यात आले आहे. झोन A: व्हीआयपी, पोलीस, माध्यम प्रतिनिधी, झोन B: चारचाकी, झोन C: दुचाकी, झोन D-1: एका बाजूला चारचाकी, दुसऱ्या बाजूला दुचाकी, झोन D-2, D-4, D-5 व E: चारचाकी, झोन G: व्हीसीए सदस्य, झोन H: स्कूल बसेस, झोन I: राखीव
Nashik Ring Road: नाशिकमध्ये बनतोय 77 किमी लांब रिंग रोड, 7 हजार कोटींचा खर्च करून खेडेगावांना जोडणार; कुठे-कसा असेल मार्ग?
अवजड वाहनांसाठी मार्गबदल
नागपूर ते वर्धा: मुंडले शाळा कटिंग येथून डावे वळण घेऊन समृद्धी महामार्गे
जबलपूर ते वर्धा: पांजरा टोल नाक्याहून समृद्धी मार्गे झीरो सर्कल, तेथून दाताळा मार्गे बुट्टीबोरी
चंद्रपूर/हैदराबाद/वर्धा ते नागपूर: बुट्टीबोरी–दाताळा–समृद्धी झीरो सर्कल–माऊली कटिंग–एनएच-44
हिंगणा/अमरावती ते हैदराबाद/चंद्रपूर/वर्धा: समृद्धी झीरो सर्कल–दाताळा–बुट्टीबोरी
हैदराबाद/वर्धा ते जबलपूर: बुट्टीबोरी–दाताळा–समृद्धी झीरो सर्कल–NCI–पांजरा टोल
छत्रपती चौक ते डोंगरगाव टोल नाका: सर्व जड वाहतुकीस पूर्ण बंदी
MLC Sandeep Joshi Resign : संदीप दादांवर राजीनाम्यासाठी दबाव, कार्यकर्त्यांनी शंका बोलून दाखवली
फीडर बसची सुविधा
वर्धा व बुट्टीबोरीकडून जामठ्याकडे येणाऱ्यांसाठी ब्रह्मकुमारी केंद्राजवळ पार्किंग झोन F निश्चित. येथे दुचाकी व चारचाकी पार्किंगची सोय असून फीडर बसेसद्वारे स्टेडियमपर्यंत नेले जाईल. स्कूल बसेस: NCI समोरून U-टर्न घेऊन गेट क्रमांक 13 जवळ पार्किंग. व्हीसीए सदस्यांची वाहने देखील याच प्रवेश मार्गाने येतील. पोलिसांनी नागरिकांना निर्देशांचे पालन करण्याचे आणि शक्य असल्यास मेट्रो/सार्वजनिक वाहतुकीचा वापर करण्याचे आवाहन के.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा