पोलिसांनी दिलेल्या माहितीनुसार, सचिन आणि त्याचे साथीदार नागपूर जिल्ह्यातील गरीब व अशिक्षित शेतकऱ्यांना हेरत होते. शासनाकडून शेतपिकांच्या नुकसानीपोटी दहा हजार रुपये मिळणार असल्याचे आमिष दाखवून ते शेतकऱ्यांकडून आधारकार्ड, पॅनकार्ड, सात-बारा उतारे यांसह आवश्यक दस्तऐवज घेत होते. त्यानंतर इंग्रजीतील कागदपत्रांवर शेतकऱ्यांच्या स्वाक्षऱ्या आणि अंगठ्याचे ठसे घेतले जात होते. याच कागदपत्रांच्या आधारे शेतकऱ्यांच्या नावे कर्ज उचलण्यात आले.

Nagpur Crime : मध्यरात्री तब्येत बिघडली, रुग्णालयात पोहोचण्याआधीच प्राण सोडला, नवऱ्याचा भलताच बनाव; बायकोच्या मृत्यूचं गूढ उकललंसचिन आणि त्याच्या साथीदारांनी स्टेट बँक ऑफ इंडियाच्या मौदा शाखेतून ५४ कोटी ६९ लाख ४२ हजार ८५० रुपये, तर रामटेक शाखेतून १९ कोटी १३ लाख ५० हजार रुपये, असे एकूण ७३ कोटी ८२ लाख ९२ हजार ८५० रुपयांचे कर्ज घेतल्याचे समोर आले आहे. ही रक्कम बनावट कंपन्यांच्या खात्यांत वळती करण्यात आली. कर्जवसुलीसाठी बँकांनी संबंधित शेतकऱ्यांना नोटिसा बजावल्यानंतर हा प्रकार उघडकीस आला.

या प्रकरणी गुन्हा दाखल झाल्यानंतर पोलिस अधीक्षक हर्ष पोद्दार यांनी तपास आर्थिक गुन्हेशाखेकडे सोपविला. पोद्दार आणि अपर पोलिस अधीक्षक अनिल म्हस्के यांच्या मार्गदर्शनाखाली आर्थिक गुन्हेशाखेच्या उपअधीक्षक पूजा गायकवाड, निरीक्षक योगेश कामाले आणि त्यांच्या पथकाने सचिन व त्याच्या साथीदारांचा शोध सुरू केला. सचिन बुधवारी रेल्वेने बाहेर जाणार असून तो नागपूर रेल्वेस्थानकावर असल्याची माहिती पथकाला मिळाली. त्यानुसार सापळा रचून त्याला अटक करण्यात आली.

Amravati News: बस कंडक्टरची ज्येष्ठाला मारहाण; स्मार्ट कार्ड अ‍ॅक्टिव्ह नसल्याची ‘शिक्षा’, अमरावती-अकोट एसटी बसमधील घटनेनं संतापसचिन धान घोटाळ्यातीलही आरोपी

सचिन कारमोरे हा भंडारा, गडचिरोली आणि अहेरी येथील कोट्यवधी रुपयांच्या धान घोटाळ्यातीलही आरोपी आहे. गेल्या महिन्यात उच्च न्यायालयाच्या नागपूर खंडपीठाने त्याचा अटकपूर्व जामीन अर्ज फेटाळला होता. तेव्हापासून पोलिस त्याचा शोध घेत होते.