प्रकाश अकोलकर यांची फेसबुक पोस्ट

मुंबईच्या महापौर पदासाठी भारतीय जनता पक्ष आणि एकनाथ शिंदे यांची सेना यांच्यात चाललेल्या अकटोविकट संघर्षात भाजपला महापौर पद मिळालेच, तर जो कोणी महापौर होईल तो भारतीय जनता पक्षाचा दुसरा महापौर असेल, असे ज्येष्ठ पत्रकार प्रकाश अकोलकर यांनी आपल्या फेसबुक पोस्टमध्ये म्हटले आहे.1982 मध्येच डॉक्टर प्रभाकर संजीवा पै हे मुंबईचे महापौर झाले होते आणि ते भारतीय जनता पक्षाचे निष्ठावान नेते होते, याची आठवण तेव्हा त्या महापौर कार्यालयात कार्यरत असलेले ज्येष्ठ अधिकारी प्रकाश परांजपे शहापूरकर यांनी आत्ता दुपारी करुन दिली, असे अकोलकर सांगतात.
Sandip Joshi : देवेंद्रजी माफ करा, पण आता मला थांबायचंय! फडणवीसांच्या जवळच्या ‘आमदार’ मित्राची तडकाफडकी राजकीय निवृत्ती, सत्तेसाठी पक्षांतर…
खरे तर 1981 ते 86-87 पर्यंत मी स्वतः (अकोलकर) हा बीट सांभाळत होतो. तेव्हाचे सर्व महापौर मला आठवतात, पण प्रभाकर पै यांचे विस्मरण माझ्यासकट सर्वांनाच कसे झाले कोण झाले? त्यात भाजपचे विद्यमान नेतेही आहेत. पै यांची आठवण करून दिल्याबद्दल परांजपे यांना धन्यवाद, असं अकोलकर म्हणतात.
BMC Election : मुंबईच्या महापौरपदावरुन ठाकरे-फडणवीसांची चर्चा? शिंदेंना दूर ठेवण्यासाठी मेगाप्लॅन, ठाकरेंचे 65 नगरसेवक थेट…

परांजपे यांनी आणखीही एक गोष्ट सांगितली, पै महापौर असतानाच्या काळात राष्ट्रीय स्वयंसेवक संघाचे एक शिबीर झाले होते, त्या शिबिराला महापौर असलेले पै हे संघाचे अर्धी चड्डी घालून उपस्थित होते आणि त्यांच्या समवेत तिथे परांजपेही गेले होते, अशी आठवणही प्रकाश अकोलकर यांनी फेसबुक पोस्टमधून सांगितली आहे.